2024-08-15 13:11:27, 659 ნახვა
სპორტი
საქართველო-ჩეხეთის მატჩის ბილეთების გაყიდვა დაიწყო
საქართველო-ჩეხეთის მატჩზე დასასწრები ბილეთების გაყიდვა დაიწყო. ამის შესახებ ინფორმაციას საქართველოს ეროვნული ნაკრები ავრცელებს.
მათივე ცნობით, ბილეთების შეძენა მხოლოდ ონლაინ რეჟიმშია შესაძლებელი და მათ რეალიზაციას TKT.GE უზრუნველყოფს.
ეროვნული ნაკრების ინფორმაციით, საქართველო-ჩეხეთის თამაშის ბილეთის ფასი 10, 30 და 50 ლარი იქნება. თითოეულ მომხმარებელს მატჩზე დასასწრები მაქსიმუმ ორი ბილეთის შეძენა შეუძლია.
საქართველოს ნაკრები ჩეხეთს 7 სექტემბერს, 20:00 საათზე მიხეილ მესხის სახელობის სტადიონზე დაუპირისპირდება.
ავტორი: ექსპრესნიუსი,
epn.ge (@expressnews.ge)
