13 მარტს მოდელმა და ტელეწამყვანმა ჰაიდი ლკუმმა საკუთარ "ინსტაგრამზე" ვიდეო გაავრცელა, რომლიდანაც ჩანს, რომ ის ავადაა. კლუმმა საკუთარ "ფოლოვერებს" მიმართა და უთხრა, რომ რაც შეიძლება ფრთხილად იყვნენ, გაუფრთხილდნენ ჯანმრთელობას და ირგვლივ მყოფ ხალხს.
ყველაზე რთული ის გარემოება გახლავთ, რომ მოდელი კალიფორნიაში, კერძოდ ქალაქ პასადენაში იმყოფება, სადაც როგორც აღმოჩნდა COVID-19-ის ტესტების მწვავე დეფიციტია.
მოდელის თქმით მან თავი შეუძლოდ შოუ America's Got Talent-ის გადამღებ მოედანზე იგრძნო, რის შემდეგაც თვითიზოლაციაში დარჩენის გადაწყვეტილება მიიღო, რათა შესაძლო დაავადება სხვა ადამიანებს არ გადასდოს.
 

"ყველაფერი მაღალი სიცხით, ხველით და თავის ტკივილით დაიწყო, მე თავს უკეთ ვერ ვგრძნობ",-ამბობს ჰაიდი "ინსტაგრამ" ვიდეოში.

"მინდოდა კორონავირუსზე ტესტის ჩაბარება, მაგრამ აქ მისი დეფიციტია",-დაამატა კლუმმა მიმართვის ბოლოს.
მოდელი კორონავირუსს იმიტომ ვერ გამორიცხავს, რომ ამ კვირეების მანძილზე კონტაქტი გადამღებ მოედანზე ბევრ ადამიანთან ჰქონდა, შესაძლოა მათ შორის ინფიცირებულებიც ყოფილიყვნენ.
"თუ თავს ცუდად გრძნობთ უბრალოდ დარჩით სახლში"- ურჩია თაყვანისმცემლებს მოდელმა.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

პროდუქტების ჩამონათვალი რომელიც პატიმრების ახლობლებს შეუძლიათ ციხეებში სააღდგომოდ შეიტანონ

Global Finance-მა საქართველოს ბანკი საუკეთესო ბანკად დაასახელა საქართველოში

დააკავეს არასრულწლოვანი, რომელმაც 32 წლის კაცს დანით მრავლობით ჭრილობები მიაყენა და ადგილიდან მიიმალა

საიტზე გამოქვეყნებული ჯარში გაწვევის უწყება ჩაბარებულად ჩაითვლება - უცხოეთში მყოფი წვევამდელი ვალდებული იქნება დაბრუნდეს