გარემოს დაცვის სამინისტროში ტყის არამერქნული რესურსებით სარგებლობის დადგენილების პროექტი განიხილეს

2015-06-04 11:17:25, 346 ნახვა

საზოგადოება

გარემოსა და ბუნებრივი რესურსების დაცვის სამინისტროში ეროვნული სატყეო პროგრამის ფარგლებში „სახელმწიფო ტყის არამერქნული რესურსებით სარგებლობის“ დადგენილების პროექტი განიხილეს.

გარემოს დაცვის სამინისტროს ინფორმაციით, კერძო სექტორის წარმიმადგენლებს მინისტრის მოადგილემ ბესარიონ აბაშიძემ დადგენილების პროექტი გააცნო. პრეზენტაციის შემდეგ, მხარეების მიერ წარმოდგენილი რეკომენდაციები დადგენილების პროექტში აისახება.

შეგახსენებთ, რომ ტყის არამერქნული რესურსით სარგებლობა საქართველოს კანონმდებლობით არასათანადოდ არის მოწესრიგებული, შესაბამისად, სამინისტრომ საკუთარი ინიციატივით დაიწყო სფეროს რეგულირება. დადგენილების პროექტით, გაიმიჯნება პირადი და კომერციული სარგებლობის მიზნები, ჩამოყალიბდება რესურსით სარგებლობის წესები და მოთხოვნები, ასევე სარგებლობის სამათლებრივი რეჟიმები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან