აღსრულების ეროვნულმა ბიურომ და სასწავლო ეროვნულმა უნივერსიტეტმა (სეუ) ურთიერთთანამშრომლობის მემორანდუმი გააფორმეს.

მემორანდუმს ხელი მოაწერეს აღსრულების ეროვნული ბიუროს სახელით ბიუროს თავმჯდომარე იოსებ ბაღათურიამ, ხოლო სასწავლო  ეროვნული უნივერსიტეტის მხრიდან − რექტორმა გია კავთელმა.
ურთიერთთანამშრომლობის მემორანდუმი ითვალისწინებს სტუდენტებში ფულად-საკრედიტო ვალდებულებების შესახებ ცნობიერების ამაღლებას და ამგვარი ვალდებულებების წარმოშობისა და შესაძლო შედეგების შესახებ მათ ინფორმირებას.
მემორანდუმის ფარგლებში აღსრულების ეროვნული ბიუროს თანამშრომლები სასწავლო უნივერსიტეტის სტუდენტებისთვის ჩაატარებენ ლექცია-სემინარებს ქართულ სააღსრულებო სისტემაზე, დარღვეულ სამოქალაქო უფლებების აღდგენის კანონიერ და მარტივ გზებზე.
აღსრულების ეროვნული ბიუროს თანამშრომლებმა მემორანდუმის გაფორმების შემდეგ სეუ-ს სტუდენტებს  საჯარო ლექცია ჩაუტარეს.
აღსრულების ეროვნული ბიურო  მომავალშიც აპირებს, ხელი შეუწყოს სტუდენტებში  ფულად-საკრედიტო ვალდებულებების შესახებ ცნობიერების ამაღლებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი