საქართველოს, თურქეთისა და აზერბაიჯანის შეიარაღებული ძალების სპეციალური ოპერაციების ქვედანაყოფების სამმხრივის წვრთნების - „კავკასიის არწივი 2017“ ფარგლებში, ვაზიანში, IV მექანიზებული ბრიგადის სასროლეთზე საჩვენებელი სწავლება გაიმართა.

თავადაცვის სამინისტროს ინფორმაციით, სცენარი ვერტმფრენიდან დესანტირებას, ავიაციით და საცეცხლე მხარდაჭერით ობიექტის განადგურებას, მძევლის გათავისუფლებას, ასევე დაშავებულის ევაკუაციას და შენობის განადგურებას მოიცავდა. სწავლებაში სამივე ქვეყნის შეიარაღებული ძალების მოიერიშე და მხარდამჭერმა ქვედანაყოფებმა, ასევე საჰაერო კომპონენტებმა მიიღეს მონაწილეობა.

ღონისძიებას საქართველოს შეიარაღებული ძალების გენერალური შტაბის უფროსის მოადგილე, ბრიგადის გენერალი ზაზა ჩხაიძე, სპეციალური ოპერაციების ძალების მეთაური, პოლკოვნიკი დიმიტრი კიკნაძე და თურქეთის ელჩი საქართველოში ზექი ლევენთი დაესწრნენ.

სპეციალური ოპერაციების დანაყოფების ერთობლივი სწავლება „კავკასიის არწივი 2017“ საქართველოში პირველად მიმდინარეობს. აღნიშნულ სწავლებას თურქეთის რესპუბლიკამ მანამდე ორჯერ უმასპინძლა. სწავლების მიზანს სამი ქვეყნის სპეციალური ოპერაციების ძალების ქვედანაყოფების ურთიერთობისა და თანამშრომლობის გაღრმავება, ცოდნისა და გამოცდილების გაზიარება, ასევე სპეციალური ოპერაციების განხორციელების შესაძლებლობების განვითარება წარმოადგენს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა