21:38 - 09 Apr, 2026
ჩვენ შესახებ რეკლამა/ხელმოწერა
2026-01-05 21:18:18, 684 ნახვა

მსოფლიო
დანიის პრემიერ-მინისტრი დარწმუნებულია, რომ გრენლანდიასთან დაკავშირებით ტრამპის კომენტარები სერიოზულად უნდა იქნას აღქმული

დანიის პრემიერ-მინისტრი მეტე ფრედერიკსენი დარწმუნებულია, რომ აშშ-ის პრეზიდენტი დონალდ ტრამპი სერიოზულად არის განწყობილი გრენლანდიის მიტაცების საკითხში.

როიტერის ციტირების თანახმად, მან ეს განცხადება ორშაბათს, 5 იანვარს გააკეთა.

ფრედერიკსენმა განაცხადა, რომ მან უკვე ნათლად გამოხატა თავისი ქვეყნის პოზიცია ამ საკითხთან დაკავშირებით და გრენლანდიამ, თავის მხრივ, არაერთხელ განაცხადა, რომ არ სურს შეერთებული შტატების შემადგენლობაში ყოფნა.

„სამწუხაროდ, მე მჯერა, რომ ამერიკის პრეზიდენტის სიტყვები გრენლანდიის სურვილის შესახებ სერიოზულად უნდა იქნას აღქმული. თუ შეერთებული შტატები თავს დაესხმება ნატოს სხვა წევრს, ყველაფერი შეჩერდება“, - ხაზგასმით აღნიშნა დანიის პრემიერ-მინისტრმა.

შეგახსენებთ, რომ ტრამპმა გრენლანდიის კონტროლის სურვილი კვირას The Atlantic-თან ინტერვიუში, რომელიც აშშ-ის ქმედებებს ეხებოდა ვენესუელაში, კიდევ ერთხელ გაიმეორა.

მან გრენლანდიასთან დაკავშირებით თავისი კომენტარები Air Force One-ის ბორტზე ჟურნალისტებთან საუბრისას გაიმეორა და განაცხადა, რომ აშშ-ს გრენლანდიის კონტროლი სჭირდება.

დანიისა და გრენლანდიის პრემიერ-მინისტრებმა ტრამპს მოუწოდეს, შეწყვიტოს ზეწოლა და მუქარა კუნძულის წინააღმდეგ.

ფინეთის პრეზიდენტმა ალექსანდრ სტუბმა და შვედეთის პრემიერ-მინისტრმა ულფ კრისტერსონმა მხარდაჭერა გამოუცხადეს დანიასა და გრენლანდიას. ბალტიისპირეთის ქვეყნებმაც გამოთქვეს მხარდაჭერა.





ავტორი: ექსპრესნიუსი,


სოციალური ქსელები
ტრამპმა ევროპას ულტიმატუმი წაუყენა, რომ ჰორმუზის სრუტეში ჯარები გააგზავნონ
წლის საუკეთესო რისკებისა და შესაბამისობის პროექტი - თიბისი CyberSecurity Excellence Awards-ის გამარჯვებულია
თიბისის მხარდაჭერით საქართველოში ტექნოლოგიური ოლიმპიადების ჰაბი შეიქმნა
ოქროსა და დოლარის მიმდინარე მერყეობა დაფინანსების ოპტიმალური სავალუტო სტრატეგიის ფარგლებში
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics