ისრაელის საჰაერო ძალების განცხადებით, ირანში რაკეტების საწყობებს დაარტყეს.

„საჰაერო ძალებმა ცენტრალურ ირანში რაკეტების საწყობებსა და რაკეტების გამშვებ ინფრასტრუქტურაზე თავდასხმების ახალი ტალღა დაიწყო“, - ნათქვამია ისრაელის საჰაერო ძალების განცხადებაში.

ასევე, ისრაელის თავდაცვის ძალების ცნობით, ლიკვიდირებულია ისლამური რევოლუციის გვარდიის კორპუსის მეთაური, რომელიც ისრაელის მიმართულებით დრონების გაშვებაზე იყო პასუხისმგებელი.

„გუშინ ისრაელის საჰაერო ძალებმა გამანადგურებელი თვითმფრინავების გამოყენებით რევოლუციის გვარდიის საჰაერო ძალების უპილოტო საფრენი აპარატების მეორე დანაყოფის მეთაური, ამინ ფორ ჯუდხი გაანეიტრალეს“, - წერს ისრაელის თავდაცვის ძალები X-ზე.

ამასთან, ირანის საინფორმაციო სააგენტო „ფარსი“-ს ინფორმაციით, ისრაელმა ისპაჰანის ბირთვულ ობიექტს დაარტყა, თუმცა დარტყმის შედეგად, სახიფათო ნარჩენების გაჟონვა არ მომხდარა.

ისრაელის თავდაცვის ძალების ცნობით, ღამით ირანმა ისრაელის მიმართულებით 5 ბალისტიკური რაკეტა გაუშვა, რის შემდეგაც საჰაერო განგაშის სირენების ხმა თელ-ავივსა და ცენტრალურ ისრაელში ისმოდა.

ისრაელის საგანგებო სიტუაციების სამსახურის განცხადებით, ირანის სარაკეტო იერიშის შედეგად არავინ დაშავებულა.

ავტორი: ექსპრესნიუსი,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია