იორდანიამ, ისრაელის მიერ ირანზე განხორციელებული დარტყმების შემდეგ, საჰაერო სივრცე დროებით დახურა.

ინფორმაციას იორდანიის სამოქალაქო ავიაციის მარეგულირებელი კომისია ავრცელებს.

„ეს სიფრთხილის ზომები რეგიონში სამხედრო ესკალაციის გათვალისწინებით მიიღება“, - აღნიშნულია უწყების ინფორმაციაში.

მთავარი კომისრის, ჰაითამ მისტოს განცხადებით, ეს გადაწყვეტილება შეესაბამება სამოქალაქო ავიაციის საერთაშორისო სტანდარტებს და ფრენის უსაფრთხოების ვალდებულებებს.

მანამდე, იორდანიის მთავრობის პრესსპიკერმა, მოჰამად მომანიმ განაცხადა, რომ იორდანია არ დაუშვებს თავისი საჰაერო სივრცის დარღვევას და რომ სამეფო არ გახდება რაიმე კონფლიქტის ბრძოლის ველი.

CNN-ის ცნობით, საჰაერო სივრცეები დახურეს ისრაელმა და ირანმაც.

ავტორი: ექსპრესნიუსი,

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა