აჭარის ჯანდაცვის სამინისტროს პროგრამის ფარგლებში 101 წლის ჯემილე ჩახვაძეს ერთჯერადი მატერიალური დახმარება 1 000 ლარი გადაეცა.

უხუცესი ქალბატონი აჭარის ჯანდაცვის მინისტრის მოადგილეებმა ზურაბ თენიეშვილმა და ნონა გალოგრემ, სოციალური დაცვის დეპარტამენტის უფროსთან ლელა სურმანიძესთან ერთად მოინახულეს.

აჭარის ჯანდაცვის სამინისტროს ინფორმაციით, ჯემილე ჩახვაძის მსგავსად 1000 ლარი საპენსიო ანგარიშზე აჭარაში მცხოვრებ 100 წელს გადაცილებულ 41 მოქალაქეს დაერიცხა. თანხას ის მოქალაქებიც მიიღებენ, რომლებსაც 100 წელი წლის ბოლომდე შეუსრულდებათ.

100 წელს გადაცილებულ მოქალაქეებზე ერთჯერადი მატერიალური დახმარების პროგრამა აჭარის ავტონომიურ რესპუბლიკაში 2002 წლიდან მოქმედებს. გასულ წელს ფულადი დახმარება 1000 ლარის ოდენობით 100 წელს გადაცილებულ 57 მოქალაქეს გადაეცა.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თეთრ სახლში თქვეს, რომ ტრამპი რუტესთან შეხვედრაზე NATO-ს დატოვების შესაძლებლობასაც განიხილავს

ირანი აშშ-ს ცეცხლის შეწყვეტის შეთანხმების რამდენიმე პუნქტის დარღვევაში ადანაშაულებს

ირანული მედია: თეირანში აფეთქებების ხმა გაისმა

რუსეთის ნავთობიდან შემოსავალმა 2022 წლის შემდეგ მაქსიმუმს მიაღწია