თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის 7 ახალი შემთხვევიდან 3 დადასტურებულ შემთხვევასტან კონტაქტია, 2 შემოტანილი შემთხვევაა, ხოლო ორის წყარო ამ ეტაპზე უცნობია.

მისი თქმით, დღევანდელი მონაცემებით, კოვიდ ცენტრებში მკურნალობს 239 დადასტურებული შემთხვევა, საიდანაც 4 კრიტიკულად მძიმე და 16 მძიმე პაციენტია.

„ამ 7 ახალი შემთხვევის განაწილება ასეთი გახლავთ: 3 არის დადასტურებულ შემთხვევებთან კონტაქტი, 2 არის შემოტანილი შემთხვევა და მათგან ერთი გახლავთ სატვირთო ავტომანქანის მძღოლი, ხოლო ორ შემთხვევაზე გრძელდება ეპიდემიოლოგიური კვლევა კონტაქტების მოძიების და წყაროს დსადგენის თვალსაზრისით.

გამოჯანმრთელებულების რაოდენობა არ შეცვლილა და რჩება იგივე. ამ მონაცემებით, გამოჯანმრთელებულების პროცენტული რაოდენობა კვლავ 82% გახლავთ. დღევანდელი მონაცემებით, კოვიდ ცენტრებში მკურნალობს 239 დადასტურებული შემთხვევა. ამ კოვიდ ცენტრების რეანიმაციული და ინტენსიური თერაპიის განყოფილებაში მკურნალობს 4 კრიტიკულად მძიმე და 16 მძიმე პაციენტი.

ჩვენი ცენტრის მონაცემები ასეთი გახლავთ: გვყავს 18 დადასტურებული შემთხვევა. არ გაწერილა არავინ და არც ახალი დადასტურებული შემოსულა ჩვენთან. მძიმე პაციენტების რაოდენობა უცვლელი გვყავს, რეანიმაციულ და ინტენსიური თერაპიის განყოფილებაში მკურნალობას განაგრძობს 2 პაციენტი, აქედან 1 ჯერჯერობით კვლავ კრიტიკილად მძიმეა, თუმცა მისი მდგომარეობა სტაბილურია, ხოლო მეორე არის მძიმე პაციენტი. დანარჩენი პაციენტების მდგომარეობა საშუალო და მსუბუქი გახლავთ“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

ტრამპმა ნატო გააკრიტიკა ირანთან დაკავშირებით დახმარების სურვილის არქონის გამო

უკრაინამ სამარის ოლქში, კრასნოდარის მხარეში და სევასტოპოლში ნავთობის ობიექტებს შეუტია

პაპუაშვილმა ზახაროვას განცხადებას უპასუხა: ჩვენ ხალხის ინტერესებიდან გამომდინარე ვმოქმედებთ

კონგრესმენი უილსონი: აშშ-სთვის მნიშვნელოვანია, რომ ანაკლია პეკინის დომინირების ქვეშ არ მოექცეს