რესპუბლიკურ საავადმყოფოში კორონავირუსით ინფიცირებული 18 პაციენტი მკურნალობს.

ამის შესახებ რესპუბლიკური საავადმყოფოს კლინიკის დირექტორმა, ლევან გოფოძემ ჟურნალისტებს განუცხადა.

როგორც მან აღნიშნა, მათ კლინიკას გუშინ ერთი პაციენტი დაემატა. ის იმ პაციენტის დედაა, რომელიც ამავე კლინიკაში კორონავირუსის დიაგნოზით მკურნალობს.

„ამჟამად რესპუბლიკურ საავადმყოფოში 30 პაციენტი წევს, აქედან 18-ს აქვს დადასტურებული კოვიდინფექცია. ბოლოს ახალი პაციენტი გუშინ გადმოვიყვანეთ ერთი, რომელიც არის ჩვენი ერთ-ერთი ინფიცირებულის დედა. ის თვითიზოლაციაში, ბინაზე იყო. იქ ჩაუტარდა ტესტირება და დადებითი აღმოჩნდა. მანამდე, ჩვენთან 72 საათის განმავლობაში არ შემოსულა არც ერთი ახალი პაციენტი.

მედიკოსების ჯანმრთელობის მდგომარეობა დამაკმაყოფილებელია. უკვე მივდივართ მათი რეტესტირების რეჟიმზეც. 18-დან ერთი პაციენტი არის მძიმე, მართვით სუნთქვაზე რჩება, თუმცა რიგი პარამეტრები, სუნთქვის კომპონენტისა გაუმჯობესდა. ასევე, რენდგენოლოგიურად გაუმჯობესდა სუნთქვის მდგომარეობა, რაც იმედს გვაძლევს, რომ უკეთესად წავიდეს მისი მკურნალობის საქმე. დანარჩენი პაციენტების მდგომარეობა დამაკმაყოფილებელია, არც ერთს რაიმე განსაკუთრებული ჩარევა არ სჭირდება.

ამჟამად ველოდებით ხუთი პაციენტის გამოჯანმრთელებას. ალბათ, ხვალ ან ზეგ ეს ხუთი პაციენტი დატოვებს ჩვენს კლინიკას. ასევე, „კოვიდ-19“-ზე ცხრა პირის ტესტის პასუხს ველოდებით“, - განაცხადა ლევან გოფოძემ.

ავტორი: ექსპრესნიუსი,

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია