დიდი მითქმა-მოთქმა არის, მინდა, გაგაფრთხილოთ და გითხრათ: ნუ მიაქცევთ ყურადღებას, - ამის შესახებ ქადაგებისას ალავერდის ეპარქიის მღვდელმთავარმა მიტროპოლიტმა დავითმა განაცხადა.

მისი თქმით, დღეს პატრიარქობა არის „მძიმე ჯვარი და პასუხისმგებლობა“. მიტროპოლიტმა მორწმუნეებს ლოცვისკენ მოუწოდა.

„დიდი მითქმა მოთქმა არის, მინდა, გაგაფრთხილოთ და გითხრათ: ნუ მიაქცევთ ყურადღებას ტელევიზიებში ათას რამეს ჰყვებიან, ათას რამ გეგმას დასახავენ. ბევრ კანდიდატს დაასახლებენ, მიჰყვებიან ყველა თითქოს მნიშვნელოვან ამბავს, იცოდეთ, რომ ეს ყველაფერი არის თქვენი სულიერი დაბნეულობისა და სიბრმავის შესაქმნელად. თქვენ უნდა იცოდეთ, სახარებიდანაც შეგახსენებთ - უფალი გვაფრთხილებს, „მოვა დრო, როცა იტყვიან აქ არის ქრისტე, იქ არის ქრისტე“. ნუ დაუჯერებთ ნურავის, ღმერთი როგორც აკურთხებს, ისე იქნება, ვინ იქნება ღირსი პატრიარქობის გვირგვინის - უნდა იცოდეთ, რომ ეს არის მძიმე ჯვარი და პასუხისმგებლობა, ამიტომ ყველას გვმართებს დღეს ლოცვა, რომ გამორჩეული კანდიდატი იყოს ღირსეული და თუ იგი დამტკიცდება, მას უნდა ჰქონდეს ღვთით ძალა, რომ ეს პასუხისმგებლობა ატაროს. არავინ იფიქროს, რომ დღეს პატრიარქობა პატივია მხოლოდ, ეს არის დიდი სიმძიმეც”, - განაცხადა აბბა ალავერდელმა მიტროპოლიტმა დავითმა.

საკვირაო წირვა ალავერდის საკათედრო ტაძარში მიტროპოლიტმა დავითმა სხვა მღვდელმსახურებთან ერთად აღასრულა, რის შემდეგაც პატრიარქის სულის მოსახსენებელი პანაშვიდი გადაიხადა.

ავტორი: ექსპრესნიუსი,

სოციალური ქსელები

ახალი მოდელები, ფლიტ მენეჯმენტი და B2B მიმართულების გაფართოება - „ჯილი ცენტრი თეგეტამ“ 2026 წლის პირველ კვარტალში რეკორდული შედეგები აჩვენა

დენის ფასის გაზრდის მიუხედავად, ოცნებამ 157 ენერგეტიკულ კომპანიას 1 მილიარდი ლარის ჯარიმები აპატია

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს