რუსეთის ფედერაციის პრეზიდენტის ადმინისტრაციის ხელმძღვანელის მოადგილე სერგეი კირიენკო ოკუპირებულ სოხუმში იმყოფება.

ტელეგრამ არხ AMRA-life-ის ცნობით, კირიენკო სოხუმში ოკუპირებული ყირიმიდან ე.წ. აფხაზეთის პრეზიდენტ ბადრა გუნბასთან ერთად ჩაფრინდა. 29-30 აპრილს გუნბა ანექსირებულ ყირიმში დელეგაციასთან ერთად იმყოფებოდა.

კირიენკოსთან და გუნბასთან ერთად ოკუპირებულ სოხუმში ჩაფრინდა რუსეთის ჯანდაცვის მინისტრი მიხაილ მურაშკოც.

რუსმა მაღალჩინოსნებმა თვითგამოცხადებულ პრეზიდენტთან ერთად სოხუმში მშენებარე საავადმყოფო მოინახულეს, რომელიც რუსული საინვესტიციო პროგრამის ფარგლებში შენდება.

ვიზიტი დაემთხვა დღეს, როდესაც მოსკოვიდან სოხუმში პირველი რეგულარული რეისი შესრულდება. 

გარდა ამისა, 1 მაისს, პირველი რეისი გააკეთა ელექტრომატარებელმა დიოსკურია, რომელიც რუსეთის ქალაქ სირიუსიდან სოხუმში ჩავიდა.

ბოლო პერიოდში, პუტინის ადმინისტრაციის მოადგილე ხშირად ხვდება საქართველოს ოკუპირებულ ტერიტორიებზე არსებულ მარიონეტულ რეჟიმების წარმომადგენლებს. 2025 წლის აფხაზეთის ე.წ. საპრეზიდენტო არჩევნებზე კირიენკომ ბადრი გუნბას დაუჭირა მხარი. 

19 აპრილს რუსეთის პრეზიდენტის ადმინისტრაციის ხელმძღვანელის პირველი მოადგილე, სერგეი კირიენკო ე.წ. სამხრეთ ოსეთის რესპუბლიკას ეწვია.

კირიენკო ცხინვალში როგორც კრემლის კურატორი პირველად ეწვია.

თვითგამოცხადებული რესპუბლიკის ე.წ. პრეზიდენტთან, ალან გაგლოევთან შეხვედრისას, კირიენკომ თქვა, რომ ვლადიმირ პუტინის გადაწყვეტილებით "9 მაისისთვის, სამხრეთ ოსეთის ყველა დასახლებასა და სკოლას რუსეთის პრეზიდენტის ფონდიდან ერთი მილიონი რუბლი (33 000 ლარი) გადაეცემა". 

ავტორი: ექსპრესნიუსი,

სოციალური ქსელები

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის

სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს