11 მაისს, თბილისში "მშობლების მარში" გაიმართება. 

როგორც მარშის ორგანიზატორები სოციალურ ქსელში გავრცელებულ განცხადებაში უთითებენ, 16:00 სთ-ზე მშობლები "ექსპო ჯორჯიასთან" შეიკრიბებიან, საიდანაც 19:00 სთ-ზე, ევროპის მოედანზე დაანონსებულ აქციას მარშით შეუერთდებიან.

"ექსპო ჯორჯიასთან" ვიკრიბებით (წერეთლის გამზირი, დიდუბის გამოფენა), საიდანაც ჩვენი ხმა მთელ ქალაქში გაისმება.

შემოუერთდი მსვლელობას! ერთად ვუთხრათ მადლობა ჩვენი ქვეყნის მხარდაჭერისთვის ევროპის დღისადმი მიძღვნილ ღონისძიებაზე მოსულ ევროკავშირის ელჩებს! ვივლით ბევრს, ვივლით ერთად და ხმამაღლა ვიტყვით იმას, რაც შვილებს უნდათ! არა რუსულ კანონს!  კი ევროპას!

19:00 სთ-ზე, მარშით შევუერთდებით უკვე დაანონსებულ საერთო აქციას ევროპის მოედანზე.
შინ ევროპისკენ",- ნათქვამია ორგანიზატორების განცხადებაში.

შეგახსენებთ, 11 მაისს, თბილისში "ევროპის მარშია" დაგეგმილი. ლოზუნგით - "არა რუსულ კანონს, კი ევროპას", მარში 19:00 საათზე, დედაქალაქის სამ ლოკაციაზე ერთდროულად დაიწყება და ევროპის მოედანზე გადაინაცვლებს.

ავტორი: ექსპრესნიუსი,

სოციალური ქსელები

ბუშის ინსტიტუტის დირექტორი: ივანიშვილის წინააღმდეგ სანქციების მოხსნა ნაკლებად სავარაუდოა

2025 წელს საქართველოში გაზის გაჟონვისა და აფეთქებების შედეგად 18 ადამიანი დაიღუპა

CNN: ჩინეთი ირანისთვის საჰაერო თავდაცვის სისტემების მიწოდებას უახლოეს კვირებში გეგმავს

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ