საქართველოს ახლო მომავალში Hanwha Group –ის სამუშაო ჯგუფი ეწვევა, რომელიც ქვეყნის პოტენციალს ადგილზე შეისწავლის.

მთავრობის ადმინისტრაციის პრესსამსახურის ინფორმაციით, შეთანხმება Hanwha Group –ის წარმომადგენლებსა და საქართველოს დელეგაციას შორის დღეს შედგა.

შეხვედრაზე ქართულმა მხარემ ყურადღება გაამახვილა ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების მნიშვნელობაზე.  აღინიშნა, რომ  ხელმოწერის შემდეგ საქართველოსთვის ევროკავშირის შიდა ბაზარი გაიხსნა, რომელიც ამ ეტაპზე აერთიანებს 28 ქვეყანას და 500 მილიონზე მეტ მომხმარებელს.

ცნობისთვის, კორეული მულტინაციონალური კომპანია Hanwha Group-ი ბიზნესს 7 სხვადასხვა სფეროში ახორციელებს მსოფლიოს 31 ქვეყანაში. კომპანიის ბიუჯეტი შეადგენს 35,31 მილიარდს, 2014 წლის მოგებამ კი 869 მილიონი შეადგინა.

პრემიერ–მინისტრის   შეხვედრას  Hanwha Group -თან საქართველოს თანაინვესტირების ფონდის აღმასრულებელი დირექტორი  გიორგი ბაჩიაშვილი და ეროვნული საინვესტიციო სააგენტოს დირექტორი გიორგი პერტაია დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება