ხარკოვში გლოვის დღეა

2015-02-23 10:03:10, 910 ნახვა

მსოფლიო

23 თებერვალი ხარკოვში გლოვის დღედ გამოცხადდა.

ამის შესახებ ინფორმაციას უკრაინული მედია უკრაინის თავდაცვისა და ეროვნული უშიშროების საბჭოს მდივანზე, ალექსანდრ ტურჩინოვზე დაყრდნობით ავრცელებს.

ამასთან, უკრაინული მედიის ცნობით, ხარკოვში ანტიტერორისტული ოპერაცია დაიწყო.

შეგახსენებთ, ხარკოვში აფეთქება გუშინ იმ დროს მოხდა, როდესაც მარშის მონაწილეები სპორტის სასახლიდან თავისუფლების მოედნისკენ უნდა დაძრულიყვნენ, სადაც აღმოსავლეთ უკრაინაში დაღუპული ჯარისკაცების სულის მოსახსენიებელი პანაშვიდი უნდა გადაეხადათ.

ტერორისტული აქტის შედეგად ორი ადამიანი დაიღუპა და 11 დაიჭრა.

უკრაინის უშიშროების სამსახურმა, ტერაქტში ეჭვმიტანილი 4 პირი დააკავა. ამოღებულია სხვადასხვა ტიპის იარაღი, მათ შორის ყუმბარმტყორცნი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან