ევროპარლამენტი დღეს საქართველოს საკითხზე დებატებს გამართავს. ამის შესახებ ინფორმაცია თავად ევროპარლამენტმა გაავრცელა.

ევროპარლამენტის ოფიციალურ ვებგვერდზე გამოქვეყნებული დღის წესრიგის მიხედვით, დებატების თემაა – „ელენე ხოშტარიას საქმე და პოლიტიკური პატიმრები „ქართული ოცნების“ რეჟიმის ქვეშ“. განხილვა გაიმართება ადამიანის უფლებების, დემოკრატიისა და სამართლის უზენაესობის შესაძლო დარღვევების საკითხზე.

დებატების ფარგლებში ევროპარლამენტარები იმსჯელებენ საქართველოში ოპოზიციონერი პოლიტიკოსების მიმართ მიმდინარე საქმეებსა და პოლიტიკურ ვითარებაზე.

ევროპარლამენტარები აღნიშნულ საკითხზე რეზოლუციას ხუთშაბათს, 12 მარტს, კენჭს უყრიან. ევროპარლამენტში მომზადებულ რეზოლუციის პროექტებში საუბარია საქართველოში დემოკრატიის მდგომარეობაზე, ოპოზიციისა და სამოქალაქო საზოგადოების უფლებებზე და ევროკავშირის მხრიდან შესაძლო შემდგომ ნაბიჯებზე.

ავტორი: ექსპრესნიუსი,

სოციალური ქსელები

მოსკოვში, ოპოზიციურ Новая газета-ს ოფისში ჩხრეკა მიმდინარეობს

კაცი, რომელსაც პარლამენტთან პოლიციამ ბორკილები დაადო, ადმინისტრაციული წესითაა დაკავებული

ოპოზიციის ალიანსი: 9 აპრილი სიმბოლოა, რომ ქართველები თავისუფლებისთვის ბრძოლას არ შეწყვეტენ

მაგთიკომი: ინტერნეტის გათიშვა გლობალურ ქსელზე შექმნილმა პრობლემამ გამოიწვია