ქუთაისში უამინდობამ პრობლემები შექმნა.

ძლიერი წვიმის შედეგად, მდინარე  ოღასყურა კალაპოტიდან გადმოვიდა, რის შედეგადაც,  დაიტბორა ქუჩები და სახლის პირველი სართულის სარდაფები.  განსაკუთრებით რთული ვითარებაა ქუთაისის პარლამენტის მიმდებარე ტერიტორიაზე.

ქუთაისის მერის შოთა მურღულიას განცხადებით, შესაბამისი სტრუქტურები მობილიზებულია და პრობლემის აღმოსაფხვრელად ყველაფერი კეთდება:

„მაქსიმალურად ყველაფერი კეთდება პრობლემების აღმოსაფხვრელად და მოსახლეობის დასახმარებლად. 12 საათში, ნალექის ის რაოდენობა მოვიდა , რაც დაახლოებით ერთი თვის განმავლობაში შეიძლება მოსულიყო.  ეს არის  ინფორმაცია, რომელიც  გარემოს ეროვნული სააგენტოდან გვაქვს.  მდინარე ოღასყურამ ვერ შეძლო ამდენი ნალექის გატარება და ადიდდა.  ჩვენ ყველა გასასვლელი გავუხსენით მდინარეს, თუმცა მას ფიზიკურად არ ჰყოფნის დიამეტრი წყლის ასეთი რაოდენობის გასატარებლად. ეს არის სტიქია და შეგვიძლია ვთქვათ, რომ ბოლო ათწლეულია ამხელა ნალექი არ ყოფილა ქალაქში. პირველ რიგში სამაშველო სამსახურები მობილიზებულია საავადმყოფოებთან და სკოლებთან.  მივლენ აუცილებლად ყველა იმ ოჯახში, რომელიც დაიტბორა და დახმარებას საჭიროებს. ასევე, დაითვლება ზარალი, რაც ქალაქს სტიქიის შედეგად მიადგა“,-აღნიშნა შოთა მურღულიამ.

ავტორი: ,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი