აჭარის მთავრობის თავმჯდომარე ზურაბ პატარაძე  უვიზო მიმოსვლის ამოქმედებასთან დაკავშირებით ბათუმის შოთა რუსთაველის სახელმწიფო უნივერსიტეტის სტუდენტებს შეხვდა.

აჭარის მთავრობის პრესსამსახურის ინფორმაციით, შეხვედრას ის სტუდენტ-ახალგაზრდები ესწრებოდნენ, რომლებიც საერთაშორისო საგანმანათლებლო პროგრამებით ევროპის სხვადასხვა უნივერსიტეტში გადიოდნენ სწავლებას.

ზურაბ პატარაძემ მათ  ვიზალიბერალიზაციის ამოქმედება მიულოცა.

 მისივე  თქმით, ეს უკვე არის მნიშვნელოვანი მიღწევა ევროკავშირთან ინტეგრაციის გზაზე.

„ჩვენ უნდა გავაგრძელოთ  რეფორმები. საქართველო უნდა გახდეს ევროპული ოჯახის ნამდვილი წევრი. საქართველომ უნდა გააგრძელოს თანმიმდევრული სვლა ევროკავშირის მიმართულებით და ჩვენი მთავრობა ამას თქვენთან, ახალგაზრდებთან ერთად აუცილებლად განახორციელებს“,- აღნიშნა აჭარის მთავრობის თავმჯდომარემ და ხაზი გაუსვა ამ პროცესში ბათუმის უნივერსიტეტში არსებულ საერთაშორისო საგანმანათლებლო პროგრამების მნიშვნელობას.

სტუდენტებთან შეხვედრას აჭარის განათლების, კულტურისა და სპორტის მინისტრი ინგა შამილიშვილი და მინისტრის მოადგილე, მირიან ქათამაძე, ,,ერასმუს+" პროგრამით მოსარგებლე პედაგოგები და ამჟამად ბათუმის უნივერსიტეტში მყოფი უცხოელი სტუდენტებიც ესწრებოდნენ. 

შეხვედრა „ერასმუს+" პროგრამის საპრეზენტაციო კლიპით დაიწყო და სტუდენტებისა და პედაგოგების მხრიდან, მათი გამოცდილებისა და შთაბეჭდილებების გაზიარებით გაგრძელდა.

 (NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანმა შესაძლოა ჰორმუზის სრუტის ნაწილი გახსნას, თუმცა არსებობს ერთი პირობა, - Reuters

სალომე ზურაბიშვილი აბასთუმნის ცის დაკეტვაზე - არც განმარტება… ცაც ბიძინასია?

ტრამპმა ლიბანისა და ისრაელის ლიდერებს შორის 30 წელზე მეტი ხნის შემდეგ პირველად, შეხვედრის შესახებ განაცხადა.

მტკვრის მარჯვენა სანაპიროს გარკვეულ მონაკვეთზე საგზაო მოძრაობა დროებით შეიზღუდება