2017-02-21 14:36:18, 2071 ნახვა
კომენტარი
გიორგი მარგველაშვილი: უნდა მივცეთ ყველა მხარეს შესაძლებლობა, დაამტკიცოს თავისი სიმართლე
საქართველოს პრეზიდენტმა გიორგი მარგველაშვილმა საპატრიარქო ცოტა ხნის წინ დატოვა.
როგორც მარგველაშვილმა ჟურნალისტებს განუცხადა, სასულიერო პირები არსებული სირთულეების შესახებ ღიად საუბრობენ. პრეზიდენტი ისურვებდა, რომ რაიმე პრობლემის ირგვლივ ასეთივე დემოკრატიული, ჯანსაღი დისკუსია მიმდინარეობდეს პოლიტიკურ წრეებშიც.
ქვეყნის მეთაურის პოზიციაა, რომ ე.წ. ციანიდის საქმეზე ყველა მხარეს, მათ შორის გამოძიებას სიმართლის დამტკიცების შესაძლებლობა უნდა მიეცეს და პოლიტიკური ჩარევები არ უნდა განხორციელდეს.
შეგახსენებთ, რომ საპატრიარქოში შეხვედრა მიმდინარეობს, სადაც ე.წ. ციანიდის საქმეზე მსჯელობენ. შეხვედრას სასულიერო პირები ესწრებიან.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
