საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის სოზარ სუბარის განცხადებით, ერთადერთი მიმართულება, რაშიც დაფინანსება მცირდება, ეს არის რეაბილიტაციები დევნილთა საცხოვრებლებისთვის.

სუბარის განმარტებით, საცხოვრებლების რეაბილიტაცია თითქმის იმდენივე ჯდება, რამდენიც ახლის აშენება, ამიტომ თანხები ახალ მშენებლობებზე იქნება მიმართული:

 „ყოველ 2 წელიწადში ერთხელ ვამტკიცებთ დევნილთა სამოქმედო გეგმას, ახლაც გამოვიდა 2016-2017 წლების სამოქმედო გეგმა, რომელიც ძალიან ბევრ მიმართულებას ითვალისწინებს, თუმცა ორი უმთავრესია: დევნილთა საცხოვრებელი სახლებით დაკმაყოფილება და მეორე, მათ გაუჩნდეთ საკუთარი რეალური შემოსავლები. მიმდინარე და მომავალ წელს დაგეგმილია დაახლოებით, მინიმუმ 4 000 საცხოვრებელი ბინის გადაცემა დევნილებისთვის, თუმცა იმ რეფორმის გატარების შემთხვევაში, რომელსაც ვაპირებთ, დევნილთა დახმარების შესახებ, ეს ციფრი არა მხოლოდ გაორმაგდება, არამედ შეიძლება გასამმაგდეს და გაოთხმაგდეს. ერთადერთი მიმართულება, რაშიც დაფინანსებას ვამცირებთ, ეს არის რეაბილიტაციები დევნილთა საცხოვრებლებისთვის. ეს თითქმის იმდენივე ჯდება, რაც ახლის აშენება ამიტომ, მინიმუმამდე დაგვყავს რეაბილიტაცია. მთლიანობაში ეს მიმართული იქნება ახალ მშენებლობებზე“,- აღნიშნა სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ კუბასთან საიდუმლო მოლაპარაკებები გამართა, ბოლო 10 წლის განმავლობაში პირველად

ირანი უარყოფს ტრამპის განცხადებას გამდიდრებული ურანის აშშ-ში გადაცემაზე დათანხმების შესახებ

გვარამია:ავტორიტარმა უნდა მიიღოს რისიც ეშინია, ამიტომ, 26 მაისს ყველანი რუსთაველზე

სანიკიძე: ცოტნე მამაშენია ის მოძალადე, რომელსაც უნდა გაემიჯნო