2016-11-14 19:09:02, 4049 ნახვა

---

კულტურის მინისტრის ინფორმაციით, Aerosmith-ის ჩამოყვანის ხარჯებს Black Sea Arena აფინანსებს

ვინ დაფარავს აეროსმიტის საქართველოში ჩამოყვანის ხარჯებს - კულტურის მინისტრი მიხეილ გიორგაძე აცხადებს, რომ ჯგუფის ჩამოყვანას ბლექ სი არენა აფინანსებს, თუმცა დღეს ბლექ სი არენაში აღნიშნეს, რომ დაფინანსების თაობაზე მოლაპარაკებები კულტურის სამინისტროში მიმდინარეობს. 

"რამდენადაც ვიცი, თავიანთი ბიუჯეტიდან აფინანსებს დარბაზი. კულტურის სამინისტრო ამაში ჩართული არ გახლავთ. ის პროექტები, რომლებიც ბლექ სი არენამ გააკეთა წელს, ვგულისხმობ აგილერასა და სკორპიონსს, იგივე სააგენტოსთან აქვთ ურთიერთობა, ასე რომ, ძალიან გამიხარდა, კარგი ჯგუფია", - აღნიშნა გიორგაძემ.

კითხვაზე, მაშინ რატომ ეძებს ბლექ სი არენა დაფინანსების წყაროს, გიორგაძემ აღნიშნა, რომ ეს მათი ვალდებულებაა.

"რათა სპონსორების მოძიების შემთხვევაში, კიდევ უფრო საინტერესო პროგრამას შესთავაზებენ საზოგადოებას", - დასძინა გიორგაძემ.

რაც შეეხება ბილეთის ფასს, მინისტრის თქმით, ჯერჯერობით უცნობია. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი