ვაშინგტონში თეთრ სახლთან ასობით ადამიანი შეიკრიბა და დონალდ ტრამპის არჩევნებში გამარჯვებას აპროტესტებს, - ამის შესახებ სააგენტო Reuters-ი იუწყება.

მედია საშუალების ინფორმაციით, აქციის მონაწილეებს ხელში უკავიათ პლაკატები წარწერებით - “კეთილი იყოს თქვენი მობრძანება ჯოჯოხეთში”, “ამერიკა კვლავ სიძულვილს უბრუნდება”.

ამასთან, აქციის მონაწილეების ნაწილი ტრამპის მისამართით შეურაცხმყოფელ ლოზუნგებს სკანდირებს.

როგორც სააგენტო წერს, ერთ-ერთი ყველაზე მასშტაბური პროტესტი კალიფორნიის შტატში მიმმდინარეობს.

საპროტესტო აქციები აშშ-ის სხვა ქალაქებშიც, მათ შორის ოუკლენდსა და სიეტლში იმართება.

მედიის ცნობით, აქციის მონაწილეები დებოშს აწყობენ, მაღაზიების მინებს ამსხვრევენ და საბურავებს წვავენ.

კალიფორნიაში, ბერკლის უნივერსიტეტის სტუდენტებმა რამდენიმე ქუჩა გადაკეტა და სლოგანით "შენ არ ხარ ამერიკა, ამერიკა ვართ ჩვენ" ტრამპის გამარჯვებას აპროტესტებენ.

შეგახსენებთ, რომ ბოლო მონაცემებით, რესპუბლიკელმა კანდიდატმა დონალდ ტრამპმა უკვე ამომრჩეველთა კოლეგიის 290 ხმა დააგროვა, ჰილარი კლინტონს კი 218 ხმა აქვს. ცნობისთვის, გამარჯვებისთვის საჭირო იყო 270 ხმის მიღება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა