"ნორმანდიული ოთხეული" უკრაინის კონფლიქტის დასარეგულირებლად მინსკის შეთანხმებების განხორციელებისთვის "საგზაო რუკის" შემუშავებაზე შეთანხმდა, - ამის შესახებ რუსული მედია იუწყება.

გერმანიის, საფრანგეთის, რუსეთისა და უკრაინის ლიდერების შეხვედრა ბერლინში გაიმართა.

როგორც შეხვედრის შემდეგ უკრაინის პრეზიდენტმა პეტრო პოროშენკომ განაცხადა, "საგზო რუკის" შემუშავება და რატიფიცირება მხარეების მიერ ნოემბრის ბოლომდე იგეგმება.

"ეს "საგზაო რუკა" უნდა შეიცავდეს როგორც მინსკის შეთანხმებების შესრულების თანმიმდევრულობას, ისე მათი შესრულების გარანტიებს", - განაცხადა პოროშენკომ.

პოროშენკოს თქმით, "ნორმანდიულ ფორმატს" ალტერნატივა არ აქვს. ამასთან, პოროშენკო აღნიშნავს, რომ რუსეთმა დონბასში ეუთო-ს შეიარაღებული მისიის განთავსებას მხარი დაუჭირა.

უკრაინის პრეზიდენტის თქმით, კონფლიქტის მხარეები დონბასის სამ რაიონში ჯარებს გამყოფი ხაზიდან გაიყვანენ, რაზეც აქამდე იყვნენ შეთანხმებულები, და კიდევ ოთხ რაიონთან დაკავშირებით მოლაპარაკებებს დაიწყებენ.

~რუსეთის პრეზიდენტის ვლადიმერ პუტინის განცხადებით, "ნორმანდიული ოთხეულის" შეხვედრის მონაწილეებმა დაადასტურეს, რომ უკრაინის სამხრეთ-აღმოსავლეთ ნაწილში ვითარების დარეგულირების საფუძველი მინსკის შეთანხმებები უნდა იყოს.

შეგახსენებთ, აგვისტოში ვლადიმერ პუტინმა "ნორმანდიული ოთხეულის" შეხვედრას აზრს მოკლებული უწოდა. ამ განცხადებას წინ უძღვოდა რუსეთის უსაფრთხოების ფედერალური სამსახურის მიერ ყირიმში ტერაქტის აღკვეთის შესახებ ინფორმაციის გავრცელება.

ბერლინში შეხვედრის დაწყებამდე გერმანიის კანცლერმა ანგელა მერკელმა განაცხადა, რომ მოლაპარაკებებიდან საოცრებები მოსალოდნელი არ არის.

ცნობისთვის, ეს ბოლო ერთი წლის განმავლობაში ნორმანდიულ ფორმატში ოთხი ქვეყნის ლიდერების პირველი შეხვედრა იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული