საფრანგეთის პრეზიდენტი ფრანსუა ოლანდი მოსახლეობას დაპირდა, რომ ხელისუფლება კალეს მიგრანტთა ბანაკს მთლიანად  დაშლის, - ამის შესახებ ფრანსუა ოლანდმა კალეს პორტში ვიზიტისას განაცხადა.

სიტყვით გამოსვლისას ოლანდმა ასევე მოუწოდა დიდი ბრიტანეთის ხელისუფლებას, კრიზისის დარეგულირებაში თავისი როლი შეასრულოს. საფრანგეთის ლიდერის თქმით, იმის მიუხედავად, რომ ბრიტანეთმა ევროკავშირის დატოვების გადაწყვეტილება მიიღო, ეს მას საფრანგეთის მიმართ ვალდებულებებისგან არ ათავისუფლებს.

კალე დიდ ბრიტანეთთან ყველაზე ახლომდებარე დასახლებული პუნქტია კონტინენტზე. კალეში მდებარეობს საფრანგეთისა და ბრიტანეთის დამაკავშირებელი მიწისქვეშა გვირაბის ტერმინალი.

კალეს მიგრანტთა ბანაკში, რომელიც ცნობილია სახელწოდებით  “ჯუნგლი”, 10 ათასამდე არალეგალი მიგრანტი ცხოვრობს. ბევრი მათგანი საფრანგეთიდან დიდ ბრიტანეთში გადასვლას ცდილობს.

კალეში  ვიზიტისას საფრანგეთის პრეზიდენტი პორტის ადმინისტრაციას და ადგილობრივ პოლიტიკოსებს შეხვდა.

2016 წლის თებერვალში საფრანგეთის ხელისუფლებამ ბანაკის სამხრეთი ნაწილი დაშალა, თუმცა ბანაკში მცხოვრები მიგრანტების რაოდენობა კვლავ გაიზარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო