აშშ და რუსეთი სირიაში ცეცხლის შეწყვეტის რეჟიმის აღდგენაზე ვერ შეთანხმდნენ, - ამის შესახევ ინფორმაციას BBC ავრცელებს.

როგორც მედია საშუალება წერს, აშშ-ის სახელმწიფო მდივანი ჯონ კერი, რუსეთის საგარეო საქმეთა მინისტრი სერგეი ლავროვი, ევროკავშირისა და ახლო აღმოსავლეთის ქვეყნების წარმომადგენლები ნიუ-იორკში განართულ ერთობლივ შეხვედრაში მონაწილეობდნენ.

“ჩვენ ვერ გამოვალთ და ვერ ვეტყვით მთელ მსოფლიოს, რომ შეთანხმებას მივაღწიეთ, თუ ეს ასე არ არის”, - განაცხადა კერიმ.

სირიის საკითხებში გაერო-ს სპეციალურმა წარმომადგენელმა სტეფან დე მისტურამ მოლაპარაკებებს “ხანგრძლივი, მტკივნეული და იმედგაცრუების მომტანი” უწოდა.

როგორც მისტურამ აღნიშნა, უახლოესი საათები და დღეები მშვიდობიანი პროცესისთვის კრიტიკულად მნიშვნელოვანია.

ამასთან, კერის განცხადებით, ნდობის აღსადგენად საჭიროა, რომ მათ, ვინც ჰაერში საბრძოლო მოქმედებებს განაგრძობს, შეწყვიტონ ამის კეთება. თავის მხრივ, ლავროვმა ბრძოლის შეწყვეტა ოპოზიციისგან მოითხოვა.

შეგახსენებთ, რომ 12 სექტემბრიდან გამოცხადებული ზავი რამდენიმე ინციდენტის შემდეგ დაირღვა. თავდაპირველად აშშ-ის ხელმძღვანელობით მოქმედმა კოალიციამ სირიის სამთავრობო ძალების პოზიციაზე დარტყმები განახორციელა. მოგვაინებით დაიბომბა ჰუმანიტარული ავტოკოლონა. ავტოკოლონაზე ავიადარტყმებში აშშ მოსკოვსა და დამასკოს ადანაშაულებს. რუსეთი ბრალდებებს უარყოფს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო