თურქეთის ხელისუფლებამ ქურთებით დასახლებული დიარბაკირის პროვინციის 16 სოფელში კომენდანტის საათი დააწესა, - ამის შესახებ Reuters-ი პროინციის გუბერნატორზე დაყრდნობით იუწყება.
როგორც ადგილობრივ მთავრობაში აცხადებენ, კომენდანტის საათი თურქეთში აკრძალული “ქურთისტანის მუშათა პარტიის” მებრძოლების წინააღმდეგ ოპერაციის ფარგლებში დაწესდა.

მედიის ცნობით, კომენდანტის საათის განმავლობაში დიარბაკირის სოფლებში მოსახლეობის შესვლა და სოფლებიდან გასვლა აიკრძალება.

ცნობისთვის, თურქეთი "ქურთისტანის მუშათა პარტიას" ტერორისტულ ორგანზიაციად მიიჩნევს.
შეგახსენებთ, რომ ქურთ ამბოხებულებსა და თურქეთის ხელისუფლებას შორის სამშვიდობო შეთანხმება 2015 წლის ივლისში დაირღვა. მას შემდეგ თურქეთში შეიარაღებულ დაპირისპირებას ქვეყნის უსაფრთხოების სამსახურების 600 თანამშრომელი და 5 000-ზე მეტი ქურთი მებრძოლი ემსხვერპლა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ჩვენ მისგან შორს უნდა დავიჭიროთ თავი“ - ევროპულმა ულტრამემარჯვენეებმა ტრამპს ზურგი აქციეს

იმოგზაურე გიორგი მოსიძესთან ერთად აზროვნების სამყაროში - ფოთში, გიორგი მოსიძესთან შეხვედრა გაიმართება

კობახიძე - ამჟამინდელ ევროკავშირს სერიოზული გამოწვევები აქვს

კობახიძე - საქართველოს, ევროპის მასშტაბით, ეკონომიკური ზრდის ყველაზე მაღალი ტემპი აქვს