გერმანიამ 2024 წელს მოქალაქეობა რეკორდული რაოდენობის პირს მიანიჭა. კერძოდ, გერმანიის სტატისტიკის ფედერალური ოფისის ცნობით, გასულ წელს გერმანიის მოქალაქეობა მიიღო 291 955-მა ადამიანმა, რაც წინა წელთან შედარებით 46%-ით გაზრდილი მაჩვენებელია. იმ ადამიანებს შორის, ვისაც გერმანიის მოქალაქეობა მიენიჭა, ყველაზე მეტი სირიელია.

სტატისტიკის ოფისი განმარტავს, რომ ასეთი მკვეთრი ზრდა განპირობებულია მოქალაქეობის შესახებ კანონით. გასული წლის ივნისში მოქალაქეობის მიღებისთვის გერმანიამ ცხოვრების ვადა რვა წლიდან ხუთამდე შეამცირა, განსაკუთრებულ შემთხვევაში კი ეს ვადა სამ წელსაც შეადგენს.

ამასთან, მრავალმა სირიელმა, რომელიც გერმანიაში 2015-2016 წლების მიგრაციული კრიზისის დროს ჩავიდა, მოქალაქეობის მიღების შესაძლებლობა 2024 წელს მოიპოვა. ამგვარად, 2024 წელს მოქალაქეობა 83 150 სირიელმა მიიღო, რაც ნატურალიზაციის წლიური რაოდენობის 10,1%-ია. იმ პირებს შორის, ვინც შარშან მოქალაქეობა მიიღო, 8%-ს შეადგენენ თურქები, 5%-ს – ერაყელები, 4%-ს რუსები და 4%-ს ავღანელები.

მოქალაქეობის შესახებ ახალი კანონი ასევე პირებს შესაძლებლობას აძლევს, შეინარჩუნონ თავდაპირველი მოქალაქეობა.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო