ბათუმის საქალაქო სასამართლოში „კოალიცია ცვლილებისთვის“ ერთ-ერთი ლიდერის ელენე ხოშტარიას სასამართლო პროცესი გადაიდო. მოსამართლის სალიხ შაინიძის გადაწყვეტილებით, ელენე ხოშტარიას უფლება აქვს სასამართლო პროცესს არ დაესწროს, თუმცა მას გადაეგზავნება საქმის მასალები.

„მოსამართლის თანაშემწე ელენე ხოშტარიას დაუკავშირდა, სხდომას რომ დასწრებოდა, მაგრამ უარი განაცხადა. არც მისი წარმომადგენელი გამოცხადდა. ჩვენ გვაქვს ასეთი მდგომარეობა, სამართალდარღვევის ოქმზე ხელი არ არის მოწერილი, დღევანდელ სხდომაზე საკითხების განხილვას ვერ გავაგრძელებთ, ქალბატონ ელენეს გაეგზავნოს საქმის მასალები სრულად, შემდგომ სხდომაზე თუ არ გამოცხადდება ეს მისი უფლებაა, სასამართლო მტკიცებულებებს გადაუგზავნის“, - აღნიშნა მოსამართლემ.

ელენე ხოშტარიას გამოძიება ადმინისტრაციული სამართალდარღვევის წესით - 173-ე და 174-ე მუხლებით ედავება.

საქმე ეხება, 12 იანვარს აჭარის მთავრობის სახლთან, საპროტესტო აქციის მიმდინარეობისას, ელენე ხოშტარიას მიერ სტიკერების გაკვრის მცდელობას, რასაც ხმაური მოჰყვა. სამართალდამცავებმა ელენე ხოშტარია და კიდევ რამდენიმე პირი დააკავეს, მოგვიანებით კი ხელწერილის საფუძველზე გათავისუფლეს.

ავტორი: ექსპრესნიუსი,

სოციალური ქსელები

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ