სოფლის მეურნეობის მინისტრი ოთარ დანელია გლეხებს მოუწოდებს, აგროდაზღვევით ისარგებლონ.

როგორც დანელიამ მთავრობის დღევანდელ სხდომაზე განაცხადა, აგროდაზღვევის კომპონენტის გაფართოება იგეგმება. ამასთან, მისი თქმით, გლეხების იმ ნაწილს, ვისაც მოსავალი დაზღვეული არ ჰქონდა, ვენახების შესაწამლად პრეპარატებს დღეიდან დაურიგებენ.

„ჩვენ, პირველ რიგში, ხაზი უნდა გავუსვათ, რომ კიდე ერთხელ წავახალისოთ მოსახლეობა, რომ მაქსიმალურად დააზღვიონ მოსავალი. თუ აქამდე გაიცემოდა კომპენსაციები, ეს ხდებოდა სწორედ იმიტომ, რომ არ არსებობდა შესაბამისი სისტემა. დღეს არსებობს სახელმწიფო დაზღვევის სისტემა, სეტყვის საწინააღმდეგო სისტემა, რისკები მინიმუმამდეა დაყვანილი და ამიტომ მნიშვნელოვანია, რომ ჩვენც მაქსიმალურად ანგარიში გაგვიწიონ და ისარგებლონ ამ სისტემით. ეს არის ხალხისთვის, გლეხებისთვის, ფერმერებისთვის შექმნილი სისტემა. რაც შეეხება მათ, ვისაც არ ჰქონდა დაზღვეული, ჩვენ გვინდა პირველ რიგში, გადავურჩინოთ ის ვაზი, რომელიც დაზიანდა. სიები დაზუსტდა გუშინ, დღეს დაიწყება პრეპარატების დისტრიბუცია, რათა შეიწამლოს სასწრაფოდ. დღეს გამოგვაქვს ასევე საგანგებოდ ცვლილებები, რომელიც 1 სექტემბრიდან შევა აგროდაზღვევის თანადაფინანსების კომპონენტში. 40–60 პროცენტის ნაცვლად ეს იქნება 70 პროცენტამდე სახელმწიფო მონაწილეობა. ასევე გეგმავთ „დანერგვე მომავლის“ ფარგლებში ნერგების სუბსიდირების ნაწილში სპეციალური კომპონენტის შემუშავებას“, – განაცხადა ოთარ დანელიამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო