ოკუპირებული სამხრეთ ოსეთის ე.წ. პრეზიდენტი ანატოლი ბიბილოვი გახდა

ოკუპირებული სამხრეთ ოსეთის ე.წ. პარლამენტის სპიკერმა ანატოლი ბიბილოვმა დე-ფაქტო საპრეზიდენტო არჩევნებში გაიმარჯვა, - ამის შესახებ "სპუტნიკ-ოსეტია" იუწყება.

მედია საშუალების ინფორმაციით, ბიბილოვმა ამომრჩეველთა ხმების 54.8% მიიღო.

„ყველა საარჩევნო უბნიდან ბიულეტენების დამუშავების შემდეგ, პარლამენტის სპიკერმა ანატოლი ბიბილოვმა არჩევნებში მონაწილეთა ხმების 54,8% მიიღო და პირველ ტურში გაიმარჯვა", - ნათქვამია სამხრეთ ოსეთის ე.წ ცესკოს მიერ გავრცელებულ განცხადებაში.

ცნობისთვის, დე-ფაქტო საპრეზიდენტო არჩევნებში ანატოლი ბიბილოვის გარდა, კენჭს მოქმედი ე.წ პრეზიდენტი ლეონიდ თიბილოვი და "კე-გე-ბე"-ს თანამშრომელი ალან გაგლოევი იყრიდნენ.

შეგახსენებთ, რომ 9 აპრილს ოკუპირებულ რეგიონში დე-ფაქტო საპრეზიდენტო არჩევნები გაიმართა. "არჩევნების" გარდა, ე.წ რეფერენდუმიც ჩატარდა რეგიონის სახელის შეცვლასთან დაკავშირებით.

ადგილობრივი მედია წერს, რომ ანატოლი ბიბილოვი "სახელმწიფო ალანიას" პირველი დე-ფაქტო პრეზიდენტია.

"პრეზიდენტის ინაუგურაცია" 22 აპრილსაა დაგეგმილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.