პარლამენტში კომიტეტის თავმჯომარეები და პარლამენტის თავმჯდომარე ირაკლი კობახიძე ადგილობრივ და საერთშორისო არასამთავრობო ორგანიზაციების წარმომადგენლებს შეხვდნენ.

პარლამენტის წევრებმა კონკრეტულ საკითხებთან დაკავშირებით არასამთავრობო ორგანიზაციების რეკომენდაციები მოისმინეს და სამომავლო თანამშრომლობაზე შეთანხმდნენ.

ირაკლი კობახიძის განცხადებით,  საუბარი საკონსტიტუციო კომისიასაც შეეხო. მისივე თქმით, ყველა საკითხზე, რომელიც დაკავშირებულია კონსტიტუციასთან, შედგება მჭიდრო თანამშრომლობა არასამთავრობო სექტორთან.

„არასამთავრობო ორგანიზაციების მხრიდან იყო კონკრეტული ინიციატივები და ჩვენ შევჯერდით შემდგომი თანამშრომლობის ფორმატზე. თანამშრომლობა გაგრძელდება ისეთ საკითხებზე, რომელიც დაკავშირებულია დემოკრატიულ და ეკონომიკურ განვითარებასთან, ასევე საგარეო პოლიტიკის მიმართულებით. ბევრი კონკრეტული საკითხი განვიხილეთ. საკონსტიტუციო კომისიაზეც იყო საუბარი. ჩვენ მოკლედ მიმოვიხილეთ ფორმატი, რომელიც დაფუძნდება საქართველოს პარლამენტის მიერ, ვისაუბრეთ თანამშრომლობის ზოგად ჩარჩოებზე და ასევე საკითხებზე, რაზეც უნდა გაამახვილოს ყურადღება კომისიამ, მათ შორის საარჩევნო საკითხები, რომელიც ხასიათდება განსაკუთრებული მგრძნობიარობით, ყველა საკითხზე რომელიც დაკავშირებულია კონსტიტუციასთან, შედგება მჭიდრო თანამშრომლობა არასამთავრობო სექტორთან“, - აღნიშნა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი