ტურიზმის ეროვნული ადმინისტრაციის დირექტორის გიორგი ჩოგოვაძის შეფასებით, ძველ თბილისში ტურისტული გადასახადის დაწესების შესახებ გადაწყვეტილება ნაჩქარევად არ უნდა მიიღონ.

როგორც ჩოგოვაძემ რამდენიმე დღის წინ, პარლამენტში გაჟღერებული ამ ინიციტივის კომენტირებისას განაცხადა,  მსოფლიოში გადასახადების აკრეფის სხვადასხვა მოდელი არსებობს, რასთან დაკავშირებითაც გარკვეული ანალიზი უკვე გააკეთეს.

ჩოგოვაძის აზრით, სანამ პროექტის შინაარსი ბოლომდე გააზრებული არ იქნება, ამ თემაზე გადაწყვეტილება არ უნდა მიიღონ:

„მსოფლიოში სხვადასხვა მოდელი არსებობს და ეს  გადასახადების აკრეფის ერთ-ერთი მოდელია. ამ მოდელს ვსწავლობთ და გარკვეული ტიპის ანალიზი უკვე გაკეთებული გვაქვს.თუმცა ამ მომენტისათვის არ ვფიქრობთ, რომ ასე საჩქაროდ უნდა იყოს მიღებული გადაწყვეტილება ამ საკითხთან დაკავშირებით. ყველანაირ აქტივობას ვაკეთებთ იმისათვის, რომ დამატებითი ტურისტები მოვიზიდოთ და მოვხსნათ ყველანაირი ბარიერი, რამაც შეიძლება ხელი შეუშალოს ტურისტებს  გადაწყვეტილების მიღებაში, რომ საქართველოში იმოგზაურონ. უფრო მეტიც, ჩვენ ვამარტივებთ სავიზო რეგულაციებს. ვაპირებთ , განვაახლოთ ის პროგრამები, რომლებიც თუნდაც ღვინის ჩუქებას გულისხმობს აეროპორტში. ამ ეტაპზე შესაბამისად, სანამ ბოლომდე გააზრებული არ იქნება ამ პროექტის შინაარსი, არ ვფიქრობთ, რომ სასწრაფო გადაწყვეტილება უნდა იყოს მიღებული“,-აღნიშნა გიორგი ჩოგოვაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი