შრომის ჯანმრთელობისა და სოციალური დაცვის მინისტრის დავით სერგეენკოს განცხადებით, თბილისის სასწრაფო დახმარების სამსახური მნიშვნელოვანი ხარვეზებით მუშაობს.
მინისტრის თქმით, თბილისის შემთხვევაში საქმე გვაქვს საორგანიზაციო და არა ტექნიკურ პრობლემასთან.

მისივე განმარტებით, სასწრაფოს დაგვიანების ზრდის ტენდენციამ უკანასკნელი ერთი თვის განმავლობაში მოიმატა.  

"გეთანხმებით, რომ თბილისის სასწრაფო დახმარების სამსახური მნიშვნელოვანი ხარვეზებით მუშაობს. ანუ დაგვიანებები არის იმ ფორმატის, რომელიც არანაირ ლოგიკაში არ ჯდება. იმედი მაქვს, რომ ეს არა სისტემური, არამედ ეპიზოდური პრობლემაა, თუმცა მოგახსენებთ რა ხდება. შედარებისათვის, რაიონებში მანქანების 80% ზე მეტი არ მუშაობდა, მანქანების ჩანაცვლებამ კი პრობლემა მნიშვნელოვნად გამოასწორა, მაგრამ თბილისის შემთხვევაში, ვადასტურებ, რომ იყო მენეჯმენტის და არა მანქანების გაუმართაობის პრობლემა. ხვალ უნდა მქონოდა შეხვედრა როგორც 112-ის, ასევე მერიის ხელმძღვანელობასთან, ბოლო ნიუანსები გვაქვს დასაზუსტებელი და ალბათ, იმ კვირის დასაწაყისში შევხვდებით. იმედი მაქვს, ამ პრობლემის გადაჭრის ეფექტური გზის შეთავაზება შეგვეძლება. იქ არის საორგანიზაციო და არა ტექნიკური პრობლემა და მჯერა, რომ ამის მოგვარებას შევძლებთ, რადგან უკვე ვნახეთ გამოკვეთილი, კრიტიკული წერტილი",- განაცხადა სერგეენკომ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო