გერმანიის მმართველმა პარტიებმა გადაწყვიტეს მნიშვნელოვნად გაზარდონ უკრაინისთვის სამხედრო დახმარება, ნათქვამია პარასკევს დილით დასრულებული 15-საათიანი შეხვედრის შემდეგ დამტკიცებულ ბიუჯეტის პროექტში.

Politico-ს ცნობით, კოალიციური კანონმდებლები კიევისთვის 11,5 მილიარდი ევროს გამოყოფას გეგმავენ. ეს ყველაზე მაღალი თანხაა ვლადიმერ პუტინის მიერ 2022 წელს დაწყებული სრულმასშტაბიანი ომის დაწყებიდან და ექვივალენტურია იმ თანხების ნახევრისა, რაც ბერლინმა უკვე გამოუყო კიევს. ეს თანხა ბიუჯეტის პროექტში შეტანილი მთლიანი ხარჯების 2,2%-ს შეადგენს.

Tagesschau-ს ცნობით, ყველაზე მნიშვნელოვანი ცვლილება „უკრაინულმა“ ხარჯვის პუნქტმა განიცადა. ფინანსთა სამინისტრომ წინა ბიუჯეტის ვერსიასთან შედარებით 3 მილიარდი ევროთი გაზრდა შესთავაზა. დამატებითი თანხები არტილერიის, დრონების, ჯავშანტექნიკის და ორი Patriot-ის საჰაერო თავდაცვის სისტემის დასაფინანსებლად იქნება გამოყენებული.

ვოლოდიმირ ზელენსკიმ ცოტა ხნის წინ განაცხადა, რომ აშშ-სგან 25-27 Patriot-ის სისტემის შეკვეთას და ევროპელი პარტნიორების დარწმუნებას აპირებს, რომ ამ საქმეში დაეხმარონ. ზელენსკის თქმით, მათ შეუძლიათ თავიანთი სისტემები უკრაინაში გადასცენ და მოგვიანებით აშშ-სგან ახალი სისტემები მიიღონ სანაცვლოდ. რიგმა ქვეყნებმა ასევე შეიტანეს წვლილი უკრაინისთვის ამერიკული იარაღის შესაძენად განკუთვნილ სპეციალურ ფონდში.

კილის მსოფლიო ეკონომიკის ინსტიტუტის მონაცემებით, გერმანია ნომინალური თვალსაზრისით მეორე ადგილზეა აშშ-ს შემდეგ უკრაინისთვის გაწეული დახმარების კუთხით. ოქტომბრის შუა რიცხვებისთვის მან გამოყო 22,5 მილიარდი ევრო, მათ შორის 17,7 მილიარდი ევრო სამხედრო დახმარება, 3,4 მილიარდი ევრო ჰუმანიტარული დახმარება და 1,4 მილიარდი ევრო ფინანსური დახმარება.
მშპ-ს წილის (0,6%) მიხედვით, გერმანია უკრაინის მოკავშირეებს შორის მე-14 ადგილზეა.

კილის ინსტიტუტის ანგარიშის თანახმად, ევროპული ქვეყნებიდან სამხედრო დახმარება ამ ზაფხულს 57%-ით შემცირდა, მას შემდეგ, რაც ვაშინგტონმა დონალდ ტრამპის ხელისუფლებაში მოსვლის შემდეგ იარაღის გაყიდვები შეაჩერა.

ავტორი: ექსპრესნიუსი,

სოციალური ქსელები

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი

თბილისში Trump Tower აშენდება - Wall Street Journal

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ