ქედაში დამეწყრილი ლოკაციების გაწმენდითი სამუშაოები 24-საათიან რეჟიმში მიმდინარეობს. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

ქედის მერიის ცნობით, ამ ეტაპზე სოფლის ცენტრებამდე მისასვლელი გზები 25 მიმართულებითაა გაწმენდილი.

"ამ ეტაპზე სოფლის ცენტრებამდე მისასვლელი გზები 25 მიმართულებითაა გაწმენდილი. ასევე, ინტენსიურ რეჟიმში იწმინდება შიდა სასოფლო-საუბნო გზები და საცხოვრებელ სახლებთან განვითარებული მეწყერი, გაწმენდილია 50 ლოკაცია. სამუშაოებში ჩართულია საავტომობილო გზების დეპარტამენტის ტექნიკა და ქედის კომუნალურ სერვისის ტექნიკა.

აჭარის გეოლოგიური სამსახურის ორი ჯგუფი და მუნიციპალიტეტის "სტიქიის შედეგად დაზარალებული მოსახლეობის შემსწავლელი კომისია" განვითარებული მეწყერის შედეგად დაზარალებულ ოჯახებს და ტერიტორიებს მეორე დღეა სწავლობს.

ადგილზე მობილიზებულია ყველა სამსახური, მუშაობს საგანგებო სიტუაციების მართვის შტაბი.

მუნიციპალიტეტის მერი როლანდ ბერიძე, პირველ მოადგილესთან იმედა ვასაძესთან, საკრებულოს თავმჯდომარის მოადგილესთან რომან დავითაძესთან, საკრებულოს წევრებთან და შესაბამისი ადმინისტრაციული ერთეულის წარმომადგენელთან ერთად სოფელ ახოში და ჩეტკიძეებში სტიქიის შედეგად დაზარალებულ მოსახლეობას შეხვდა. ასევე, აჭარის საავტომობილო გზების ქედის განყოფილების უფროსთან გოჩა ბერიძესთან ერთად საავტომობილო გზებზე და საცხოვრებელ სახლებთან განვითარებული მეწყრული ლოკაციები მოინახულა", - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო