ავღანეთში, პარვანის პროვინციაში V ქვეითი ბრიგადის 51-ე ბატალიონის ჯარისკაცებმა ქვეითი პატრულირება განახორციელეს.

თავდაცვის სამინისტროს ინფორმაციით, სოფელ ქალეი ნასროდან  ბაგრამის ბაზის მიმართულებით, არაპირდაპირი ცეცხლის შეზღუდვისა და ამბოხებულებისთვის თავისუფალი გადაადგილების აღკვეთის მიზნით, 51-ე ბატალიონის ჯარისკაცებმა რეკოგნოსცირება (დაზვერვა) განახორციელეს.   

პატრულირების დროს, „ალფა“ ასეულის ჯარისკაცები ადგილობრივ მაცხოვრებლებსაც გაესაუბრნენ და ადგილზე არსებული სიტუაციის შესახებ ინფორმაცია მიიღეს.

ქართველ სამხედროებთან ერთად, ღონისძიებაში ამერიკელი საზღვაო ქვეითები და ავღანეთის უსაფრთხოების ძალები იყვნენ ჩართული. კომბინირებულ პატრულში,  ბაგრამის საავიაციო ბაზის მთავარი სერჟანტი კრისტოფერ გილპინიც მონაწილეობდა. 

საქართველოს შეიარაღებული ძალების V ქვეითი ბრიგადის 51-ე ბატალიონი "მტკიცე მხარდაჭერის" მისიას ბაგრამის საავიაციო ბაზაზე ასრულებს. მათი მთავარი ამოცანა საავიაციო ბაზის უსაფრთხოების უზრუნველყოფაა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა