იუსტიციის მინისტრის მიერ გამოთქმული ინიციატივა,  საპროკურორო საბჭოში ომბუდსმენი ყოფილიყო წარმოდგენილი,  სახალხო დამცველმა არ გაიზიარა. ამის შესახებ ინფორმაციას იუსტიციის სამინისტრო ავრცელებს. მათივე ცნობით,  ეს ადგილი  მოსამართლემ დაიკავა.

საპროკურორო საბჭო 9-ის ნაცვლად შედგება 15 წევრისგან, რომელთაგან 8 წევრს აირჩევს საქართველოს პროკურორთა კონფერენცია წარმომადგენლობითობის პრინციპის დაცვით. 
ცნობისთვის,  თეა წულუკიანი გასულ კვირას ინიციატივით გამოვიდა,  საპროკურორო საბჭოში პარლამენტის როლი შესუსტებულიყო  და იქ საქართველოს ომბუდსმენი მიეწვიათ.
იუსტიციის სამინისტროში განმარტავენ, რომ ვენეციის კომისიის, ეუთოსა და ევროპელ პროკურორთა საკონსულტაციო საბჭოს რეკომენდაციების უმრავლესობა გაზიარებულ იქნა და პროკურატურის კანონში ცვლილებების საბოლოო რედაქცია პარლამენტში დღეს გადაიგზავნა. კანონის ძალაში შესვლისთანავე დაიწყება პროცედურები პროკურორთა კონფერენციის მოსაწვევად, საპროკურორო საბჭოს შესადგენად და ახალი წესით საქართველოს მთავარი პროკურორის დასამტკიცებლად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა