საქართველოს თავდაცვის მინისტრის მოადგილე ბესიკ ლოლაძე „თავდაცვის ინსტიტუციური აღმშენებლობის“ (DIB) ჯგუფის წარმომადგენლებს შეხვდა.

უწყების პრესსამსახურის ინფორმაციით, შეხვედრაზე მხარეებმა ურთერთანამშრომლობასა და თავდაცვის უწყებაში მიმდინარე რეფორმებზე ისაუბრეს.

„საქართველოს თავდაცვის სამინისტრო 2011 წლიდან აქტიურად თანამშრომლობს „თავდაცვის ინსტიტუციური აღმშენებლობის“ ჯგუფთან. შეხვედრაზე განვიხილეთ ძალიან მნიშვნელოვანი საკითხები, რომლებიც ეხება სამინისტროს სისტემაში პერსონალის მართვის რეფორმას, კეთილსინდისიერების ამაღლების კუთხით გატარებულ რეფორმებს. სტუმრებს წარვუდგინეთ ჩვენ მიერ განცდილი პროგრესი ამ პერიოდის განმავლობაში, რომელიც მათ დადებითად შეაფასეს“, - განაცხადა ბესიკ ლოლაძემ.

„თავდაცვის ინსტიტუციური აღმშენებლობა“ (Defense Institution Building) წარმოადგენს ამერიკელ მრჩეველთა ჯგუფს, რომელიც მიზნად ისახავს, დაეხმაროს პარტნიორ ქვეყნებს ეფექტიანი, ანგარიშვალდებული და გამჭვირვალე თავდაცვის ინსტიტუტების ჩამოყალიბებაში. აღნიშნული ჯგუფი კონსულტაციების, რეგულარული შეხვედრებისა და სხვა სამუშაო ფორმატის ფარგლებში უზიარებს პარტნიორ ქვეყნებს ამერიკის შეერთებული შტატების გამოცდილებას და ეხმარება მათ თანამედროვე სტანდარტების დანერგვაში. 

„თავდაცვის ინსტიტუციური აღმშენებლობის“ ჯგუფთან თანამშრომლობის შედეგად საქართველოს თავდაცვის სამინისტრომ შეძლო განეხორციელებინა მნიშვნელოვანი რეფორმები ისეთი მიმართულებებით, როგორიცაა: შერჩევის პროცესი, სამუშაოთა კლასიფიკაცია, კომპეტენციების მართვა, ტალანტ-მენეჯმენტი, სამუშაოს შესრულების ხარისხის მართვისა და შეფასების სისტემა, წოდებრივი ანაზღაურების სისტემა, საპენსიო და საკომპენსაციო სისტემებისა და ვარსკვლავიანი საშტატო ერთეულების ოპტიმიზაცია, ასევე, ეთიკისა და ღირებულებების სტანდარტების განსაზღვრის მიმართულებით მუშაობის დაწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი