სვანეთში, დაბა მესტიაში ზამთრის პირობებში სამთო სწავლება გაიმართა.

თავდაცვის სამინისტროს ინფორმაციით, სწავლება ფრანგი სამთო ექსპერტების მიერ პოლკოვნიკ ბესიკ ქუთათელაძის სახელობის საჩხერის სამთო მომზადების სკოლის სამთო ინსტრუქტორების გადამზადებას ისახავდა მიზნად.

სამთო გადამზადების ფარგლებში ქართველმა ინსტრუქტორებმა სხვადასხვა დროს შესწავლილი საკითხები დახვეწეს. მათ ზღვის დონიდან 3500 მეტრის სიმაღლეზე ტექნიკურად რთულ რელიეფზე ისეთი მოქმედებების შესრულება მოუწიათ, როგორიცაა ზვავსაშიშ ფერდობებზე მარშ-გადაადგილება, ზვავში მოყოლილი ადამიანის ძებნა და ევაკუაციის ორგანიზება სამაშველო საკაცე „U T 2000“-ის გამოყენებით, ასევე თოვლის საფარის შემოწმება შემდგომში ზვავსაშიში ფერდობის უსაფრთხოდ გადალახვისთვის, სირთულეებზე ასვლა და შემდეგ გაუკვალავ თოვლში რთულ რელიეფზე დაშვების პრაქტიკული მეცადინეობა. ქართველმა ინსტრუქტორებმა უამინდობის დროს თავის გადარჩენის მიზნით თოვლში თავშესაფრის მოწყობაც უზრუნველყვეს.

ორივე მხარის შეფასებით, სწავლებამ წარმატებით ჩაიარა, რაც საჩხერის სამთო მომზადების სკოლის ინსტრუქტორებს ნატოს პარტნიორობა მშვიდობის ფარგლებში (PFP) კურსების უსაფრთხოდ და ორგანიზებულად ჩატარებისთვის გამოადგებათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი