2016-04-12 22:32:03, 1142 ნახვა
მსოფლიო
სააკაშვილი: უკრაინაში ვადამდელი საპარლამენტო არჩევნები თითქმის გარდაუვალია
"უკრაინაში ვადამდელი საპარლამენტო არჩევნები თითქმის გარდაუვალია" - ამის შესახებ ოდესის გუბერნატორმა, მიხეილ სააკაშვილმა "არჩევანის" პირდაპირ ეთერში განაცხადა.
სააკაშვილის თქმით, იმ ხალხს, ვინც მის გარშემოა შეკრებილი, აქვთ არჩევნების მოგების შანსი და ეს ოლიგარქებს და კლანებს "ანერვიულებს".
"ვადამდელი საპარლამენტო არჩევნების ალბათობა არის ძალიან მაღალი. დღესაც გამოჩნდა, რომ თითქმის გარდაუვალია. ახლა იქნება ეს 2 თვეში, თუ 6 თვეში, ყველა შემთხვევაში მოხდება. დღეს იმ ხალხს, ვინც არის შეკრებილი ჩემს გარშემო, აქვს შანსი, ნებისმიერი არჩევნები უკრაინაში მოიგოს. ეს იციან კარგად კლანების და ოლიგარქების წარმომადგენლებმა და ამიტომ ძალიან განერვიულებულები არიან. მთელი მათი პროპაგანდა მომართულია ჩემს წინააღმდეგ. საბოლოო ჯამში ჩვენ ხალხის მხარდაჭერა გვაქვს," - განაცხადა სააკაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
