შს მინისტრის მოადგილის ლევან იზორიას განცხადებით, იური ვაზაგაშვილის საქმის გამოძიება, შსს–სა და პროკურატურის ორმხრივი თანამშრომლობის შედეგია.
მისივე შეფასებით, ფაქტი, რომ მოქმედი პოლიციელი შსს–ს ოპერატიულ–სამძებრო საქმიანობის შედეგად გამოვლინდა, შსს–ს მიუკერძოებლობას ცხადყოფს.  
 „პროკურატურამ ძალიან მნიშვნელოვანი და ინტენსიური საქმიანობა განახორციელა.  რაც შეეხება საგამოძიებო მოქმედებას, შსს ძალიან აქტიურად თანამშრომლობდა პროკურატურასთან. შსს–ს მიერ მთელი რიგი ოპერატიულ–სამძებრო მოქმედებები იქნა განხორციელებული.  გამოძიების ინტერესებიდან გამომდინარე, კონკრეტიკისგან თავს შევიკავებ. პროკურატურამ ამასთან დაკავშირებით სრულყოფილი შეფასება გააკეთა.  ეს არის ორმხრივი თანამშრომლობის  და ამასთან, მინისტრის კოორდინირებული მუშაობის შედეგი.  ეს იყო ერთგვარი გამოწვევა მისთვის და მთავარი ამოცანა, რომ მთელი ძალისხმევა და ენერგია ჩაიდო, რათა კონკრეტული ბრალდებული პირი გამოვლენილიყო. ეს ითქვა დნმ–ის ექსპერტიზაზე. ის ფაქტი, რომ მოქმედი პოლიციელი სწორედ შსს ოპერატიულ–სამძებრო საქმიანობის შედეგად გამოვლინდა, ცხადყოფს იმას, რომ ჩვენ ვართ პრინციპულები, მიუკერძოებლები და მუშაობას კიდევ უფრო გავაძლიერებთ, რათა თითოეულმა ადამიანმა თავი უსაფრთხოდ იგრძნოს“,– აღნიშნა იზორიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი