არასამთავრობო ორგანიზაცია "საერთაშორისო გამჭვირვალობა-საქართველო" პრეზიდენტს უზენაესი სასამართლოს თავმჯდომარეობის კანდიდატურას არ წარუდგენს.

ამის შესახებ ორგანიზაციის აღმასრულებელმა დირექტორმა ეკა გიგაურმა "ექსპრესნიუსს" განუცხადა.

გიგაურის თქმით, იმ ვითარებაში, როცა მათ წინააღმდეგ ფართომასშტაბიანი კამპანია  მიმდინარეობს, ბევრი ღირსეული კანდიდატის უხერხულ მდგომარეობაში ჩაყენება არ სურთ.

"მაშინ,  როდესაც ჩვენს წინააღმდეგ ფართომასშტაბიანი კამპანიაა,  ჩვენ არ გვინდა,  უხერხულ მდგომარეობაში ჩავაყენოთ ძალიან ბევრი ღირსეული კანდიდატი.  რადგანაც ვფიქრობთ, რომ ზუსტად იმიტომ რომ ჩვენ წარვადგენთ, მას შეიძლება მხარი არ დაუჭიროს პარლამენტის უმრავლესობამ. თუმცა ჩვენ როგორც იცით ამ პროცესში ჩართულები ვიყავით და კრიტერიუმების დადგენაშიც მოვიღეთ აქტიური მონაწილეობა. მოვუწოდებთ პროფესიულ წრეებს, უნივერსიტეტებს და სხვა ჯგუფებს  იაქტიურონ ამ მიმართულებით. იმისთვის რომ პრეზიდენტს საბოლოოდ დიდი არჩევანი ქონდეს",-განუცხადა გიგაურმა "ექსპრესნიუსს".

შეგახსენებთ, პრეზიდენტმა გიორგი მარგველაშვილმა კომპეტენტურ პირებს მოუწოდა,  უზენაესი სასამართლოს თავჯდომარეობის კანდიდატები 9 თებერვლამდე წარადგინონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი