2022-05-08 17:03:16, 1961 ნახვა
სხვადასხვა
ჯილ ბაიდენი სლოვაკეთსა და რუმინეთში უკრაინელ ლტოლვილებს შეხვდა
აშშ-ის პირველი ლედი ჯილ ბაიდენი სლოვაკეთში შეხვდა უკრაინელ დედებსა და ბავშვებს, რომლებიც ომის გამო იძულებულნი გახდნენ დაეტოვებინათ უკრაინა.
ბაიდენი გაემგზავრა ქალაქ კოშიცეში და სოფელ ვიშნე ნემეკეში, სადაც ისაუბრა ლტოლვილებთან, ადგილობრივ მუშაკებთან და მოხალისეებთან. შაბათს ჯილ ბაიდენი ბუქარესტის საჯარო სკოლა „ურუგვაის“ ეწვია, სადაც ახლა უკრაინელი ლტოლვილების ბავშვები სწავლობენ.
გაეროს მონაცემებით, უკრაინა რუსეთის შემოჭრის შემდეგ 5,8 მილიონზე მეტმა ადამიანმა დატოვა. წასულთა 90 პროცენტი ქალი და ბავშვია, სამხედრო ასაკის მამაკაცებს ქვეყნიდან გასვლის უფლება არ აქვთ.
ავტორი: ექსპრესნიუსი,
epn.ge (@expressnews.ge)
