ის სისხლი მტკივა შენ რომ ქვეყნის სიყვარულით გიდუღდა და ნაწამები სხეულისაგან გამოგაცალეს, ის გული მტკივა , რომელიც სამშობლოს ერთიანობისთვის და თავისუფლებისათვის ძგერდა და ამოგაცალეს, ის სხეული მტკივა რომლითაც ღირსეულად იბრძოდი სამშობლოს დასაცავად , გაწამეს (ჯერ ცოცხალი და მერე მკვდარი), ვერ დაგაჩოქეს , ვეერ შეურაცხგყვეს, ვერ გაგტეხეს, შენ ჩემი დაუჩოქელი სამშობლო ხარ, დაუჩოქელი სამშობლოს ღირსეული შვილი ხარ.

რამდენ ტკივილზე დავწერო კიდე? დედაზე, რომელიც შენს საფლავთანაც ვერ მომყავს, მამაზე, შენს ობლად დარჩენილ შვილებზე თუ იმ პატარა გოგოზე რომელიც ნაადრევად დაქვრივდა და დღეს უძლიერესი ქალი და შენი ორი იუნკერის დედაა, რამდენ ტკივილზე დავწერო,რომელიც რუსეთმა მოაყენა ჩემს სამშობლოს.

აფხაზეთისა და სამაჩაბლოს ომს ერთდერთი დამნაშავე ყავს და ეს რუსეთია. ისტორიის მანძილზე არასოდეს ვყოფილვართ თავდამსხმელები,ყოველთვის ვიბრძოდით ტერიტორიული მთლიანობისათვის, თავისუფლებისათვის , არსებობისთვის და იდენტობისთვის, მოღალატეებთან ერთად ყოველთვის გვყავდა გმირები…სამწუხაროდ დღეს ქართველებს ერთმანეთის სიძულვილი ვერ დაუთრგუნვიათ და მზად არიან საკუთარი სამშობლო ოკუპანტის წინააღმდეგ ბრძოლის დაწყებაში დაადანაშაულონ. ძალიან მეამაყები , უზომოდ ძალიან და მადლობა კიდევ და კიდევ ამ ღირსეული თავგანწირვისათვის, ჩემო დაუჩოქელო გმირო. ასეა , ჩვენ სოფრომაძეებს ვერასოდეს დაგვაჩოქებს მტერი , ვერასოდეს.

 #რუსეთიოკუპანტია #რუსეთიმკვლელია - წერს 2008 წლის ომში დაღუპული ჯარისკაცის, შმაგი სოფრომაძის და, სოფა სოფრომაძე სოციალურ ქსელში.

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო