“ მე განადგურებული ვარ” - ასე გამოეხმაურა რესპუბლიკელი სენატორი, ლინდსი გრემი ზელენსკისა და ტრამპს შორის ოვალურ კაბინეტში მომხდარ კამათს

 "ტრამპი და ვენსი პუტინის ბინძურ საქმეს აკეთებენ" - ამის შესახებ სენატის უმცირესობის ლიდერიმა, ჩაკ შუმერმა განაცხადა.

ამ დრომდე არ წყდება ამერიკელი პოლიტიკოსების აღშფოთება რომლებიც ტრამპს მხდალ სამარცხვინოს უწოდებენ.

 "პრეზიდენტი ზელენსკის აბსოლუტური აღფრთოვანება. ამ ბიჭს აქვს ყვე@ები. ის შევიდა ოვალურ კაბინეტში და წინ აღუდგა რუსეთის საუკეთესო მომლაპარაკებლებს" - აცხადებს დემოკრატი კონგრესმენი, ერიკ სვუალუელი.

ტრამპმა და ვენსმა დაადასტურეს, რომ ისინი მხარს უჭერენ რუსეთს რუსეთ-უკრაინის ომში. ეს არის კატასტროფული შეცდომა ამერიკის ეროვნული უსაფრთხოებისათვის. ტრამპი და ვენსი ახლა პირადად განსაზღვრავენ ამ პოლიტიკას. ეს არ არის არც ერთი პოლიტიკური პარტიის შეხედულება და არ ასახავს ამერიკელი ხალხის უმრავლესობას” - ტრამპის ყოფილი მრჩეველი ეროვნული უსაფრთხოების საკითხებში, ჯონ ბოლტონი.

„დღეს ოვალურ კაბინეტში ერთმანეთს გმირი და მშიშარა შეხვდნენ და როდესაც შეხვედრა დასრულდა, გმირი ბრუნდება სახლში, უკრაინაში” - კალიფორნიის სენატორი, ადამ შიფი.

ზელენსკისა და ტრამპს შორის თეთრ სახლში, ჟურნალისტების წინაშე შელაპარაკება მოხდა - ზელენსკი ტრამპს მოუწოდებდა რუსეთის მიმართ სიფრთხილე გამოეჩინა, ხოლო ტრამპი ზელენსკის უპატივცემულობაში ადანაშაულებდა.

ორი ლიდერის შეხვედრა თეთრ სახლში, ოვალურ ოფისში გაიმართა, სანამ ისინი განიხილავდნენ შეთანხმებას, რომლითაც აშშ-ის წვდომა მიენიჭებოდა უკრაინის მინერალების რესურსებზე. მაგრამ ზელენსკიმ ტრამპს ღიად უსაყვედურა რუსეთის პრეზიდენტის, ვლადიმირ პუტინის მიმართ რბილი მიდგომების გამო.

ზელენსკიმ უარყო ტრამპის განცხადებები, რომ უკრაინის ქალაქები მიწასთანაა გასწორებული სამწლიანი ომის შედეგად. ტრამპი აცხადებდა, რომ პუტინს შეთანხმების გაფორმება სურს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული