„მარცხის ერთ-ერთი მიზეზი პოლიტიკური მოტივებია, სად იყურება UEFA?“ , - ასე გამოეხმაურა მოსკოვის „დინამოს“ მარცხს თბილისის „ლოკომოტივთან“ რუსეთის დუმის დეპუტატი, იგორ ლებედევი.

მან ასევე აღნიშნა, რომ სირცხვილი იქნება „ლოკომოტივი“ ჩგუფში მოხვდეს და თამაშები „მესხის“ არენაზე გამართოს.

“მარცხის მიზეზად უამრავ არგუმენტს დავასახელებ დაწყებული პოლიტიკური მოტივებით და დამთავრებული საშინელი ბალახის საფარით. ღმერთმა არ ქნას და თუ ''ლოკომოტივი'' ჯგუფურ ეტაპზე მოხვდება, თამაშები ამ მინდორზე უნდა ჩაატაროს? სად იყურება UEFA?

ჩვენი კლუბები მზად არიან ძვირადღირებული მოთამაშეები შეიძინონ, მათ ტრანსფერებში დიდი თანხა გადაიხადონ, თუმცა არ არიან მზად თუნდაც ''ლოკომოტივის'' დონის გუნდების ბარიერი დაძლიონ. მარცხის მიზეზი მეტოქეში არ უნდა ვეძებოთ, პრობლემა რუსეთის პრემიერ ლიგაშია.

რუსულ ფეხბურთში, რუსულ კლუბებში, მათ სავარჯიშო სისტემებში პრობლემებია, რასაც ევროპულ ტურნირზე ასპარეზობა ადასტურებს” , -  განაცხადა იგორ ლებედევიმ.

ასევე შეგახსენებთ, რომ იგორ ლებედევი ის რუსი დეპუტატია, რომელმაც ქუთაისი „ტორპედოს“, თბილისის „ლოკომოტივსა“ და „რუსთავს“  UEFA-ში უჩივლა.

მან ფეხბურთელების დასჯა მოითხოვა, მიზეზი ანტისაოკუპაციო მაისურებით მოედანზე გასვლა იყო, თუმცა UEFA-მ დეპუტატის მოთხოვნა არ დააკმაყოფილა.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი