„ავეჯი საჭიროა, რათა კანცელარიამ ფუნქციონირება ნორმალურ ვითარებაში გააგრძელოს“, – ასე გამოეხმაურა ფინანსთა მინისტრი ნოდარ ხადური „ნაციონალური მოძრაობის“ წევრის ირმა ნადირაშვილის  მიერ გავრცელებულ ინფორმაციას, რომლის თანახმადაც მთავრობის ადმინისტრაციამ პრემიერის სართულისთვის 181 401 ლარის ღირებულების ავეჯი შეუკვეთა.

ხადურის თქმით, კანცელარიაში რემონტი მიმდინარეობს და ამ რაოდენობის ხარჯებისგან არავინ დაზღვეული არ არის.

„ეს რბილი ავეჯი ადრე არის  ნაყიდი. თავისთავად ცხადია, რომ ავეჯი საჭიროა, იმისათვის რათა სახელმწიფო კანცელარიამ ფუნქციონირება ნორმალურ ვითარებაში გააგრძელოს. მოგეხსენებათ, კანცელარიაში რემონტი მიმდინარეობს  და ასეთი ხარჯებისგან დაზღვეული არავინ არ არის“, – აღნიშნა ხადურმა.

ცნობისთვის, პრემიერ-მინისტრმა  ირაკლი ღარიბაშვილმა  ქამრების შემოჭერის ინიციატივა მოიწონა და  განაცხადა, რომ ყოველგვარი პირდი კომფორტი უნდა დაივიწყონ.  "ხსნებული ქამრების შემოჭერა, რაზეც ჩვენ უკვე ღიად ვსაუბრობთ, ეკონომია უნდა გავაკეთოთ ადმინისტრაციულ შესყიდვებზე.უნდა დავივიწყოთ ყოველგვარი პირადი კომფორტი, რემონტი, ახალი ავეჯი, გარდა ინფრასტრუქტურული პროექტებისა",-აღნიშნა ირაკლი ღარიბაშვილმა გუბერნატორებთან, ქალაქების მერებსა და მუნიციპალიტეტების გამგებლებთან შეხვედრაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის