სოფელ წაბლანაში მომხდარი ტრაგედიიდან 29 წელი გავიდა.

აჭარის მთავრობის თავმჯდომარე ზურაბ პატარაძე ხულოს მუნიციპალიტეტის სოფელ წაბლანას ესტუმრა და 1989 წლის 19 აპრილს დაღუპულთა ხსოვნას პატივი მიაგო.

ღონისძიებას, რომელიც ტრაგედიის ადგილზე ყოველწლიურად იმართება, აჭარის ჯანდაცვის მინისტრი ზაალ მიქელაძე, აჭარის სოფლის მეურნეობის მინისტრი ავთანდილ მესხიძე, ხულოს მერი გოჩა მელაძე, საქართველოს პარლამენტის წევრი ანზორ ბოლქვაძე და ხელისუფლების სხვა წარმომადგენლები ესწრებოდნენ.  ხსოვნის მემორიალის ყვავილებით შემკობის შემდეგ, ზურაბ პატარაძემ  დაღუპულთა ოჯახებს მიუსამძიმრა და შეკრებილ საზოგადოებას სიტყვით მიმართა.

აჭარის მთავრობის თავმჯდომარემ ყურადღება გაამახვილა წაბლანელებისთვის წლების მანძილზე არსებული პრობლების გადაჭრის საკითხზე, მისი თქმით, სტიქიის შედეგად დაზარალებულებს სულ მალე საშუალება მიეცემათ იქონიონ საკუთარი ჭერი. „როგორც თქვენთვის ცნობილია, აჭარის მთავრობის დაფინანსებით და საქართველოს განსახლებისა და ლტოლვილთა სამინისტროს, ასევე ინვესტორი კომპანია "აჭარისწყალის" ჩართულობით შენდება საცხოვრებელი, რომელშიც ტრაგედიის შედეგად უსახლკაროდ დარჩენილები თავშესაფარს, მუდმივ ჭერს მიიღებენ. მინდა გაგახაროთ და გაცნობოთ, რომ მშენებლობა უკვე დასრულების ეტაპზეა, შემოდგომაზე ბინების გადაცემას ერთად აღვნიშნავთ" - განაცხადა ზურაბ პატარაძემ.

1989 წლის 19 აპრილს, აჭარის მაღალმთიან სოფელში, წაბლანაში ჩამოწოლილმა მეწყერმა სოფელი მოიყოლა, რის შედეგადაც 23 ადამიანი დაიღუპა, მათ შორის სამი ბავშვი.

(NS)

ავტორი: ,

სოციალური ქსელები

ტრამპი: თუ ირანი გარიგებას არ დათანხმდება, ყველა ელექტროსადგურს და ხიდს დავანგრევთ

ბერი ნიკოლოზი (ნარიმანი) გარდაიცვალა

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა