მესტიის მუნიციპალიტეტის სოფელ ჭუბერში ადგილობრივებმა აქცია გამართეს.

მოსახლეობამ ჰესის მშენებელი კომპანიისგან გზის რეაბილიტაციისა და ელექტროგადამცემი ბოძების შეცვლის მოთხოვნით ჭუბერი-ხაიშისა და ჭუბერი მესტიის ცენტრალური მაგისტრალი გადაკეტა.

მათი თქმით, ადგილობრივი ხელისუფლება პრობლემების შესახებ ინფორმირებულია, თუმცა არავინ დაინტერესებულა. ადგილზე მესტიის მუნიციპალიტეტის მერი კაპიტონ ჟორჟოლიანი და საკრებულოს წევრი ლადო ვიბლიანი იმყოფებოდნენ. ვიბლიანი აქციის მონაწილეებს შეუერთდა, რა დროსაც პოლიციამ დააკავა, თუმცა შემდეგ გაათავისუფლა.

მოგვიანებით, საპროტესტო აქცია ფიზიკურ დაპირისპირებაში  გადაიზარდა.

ლახამულას თემის მოსახლეობა გამგებლისგან კონკრეტულ თარიღს ითხოვდა, თუ როდის მოხდება სარემონტო-სარეაბილიტაციო სამუშაოების დაწყება.

აქციის მონაწილეებმა მესტიის მერს კაპიტონ ჟორჟოლიანს ფიზიკური შეურაცხყოფა მიაყენეს.

აქციის მონაწილეებს გზის მთავარი მაგისტრალი ამ დრომდე გადაკეტილი აქვთ და მოძრაობა პარალიზებულია. ადგილზე პოლიციის რამდენიმე ეკიპაჟია მობილიზებული.

ავტორი: ,

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება